وزبەكستاندا ەكىنشى دۇنيەجۇزىلىك سوعىس تۋرالى فيلم تۇسىرىلەدى
«بەرلين - اققورعان» اتتى كينونىڭ سەناريى بۇگىن كوركەمدىك كەڭەستە تالقىلاناتىن بولادى. «بۇل ۇلكەن ەكى سەريالىق كينوجوبادا تەك سوعىس جىلدارى ەمەس، قازىرگى كۇنىمىز دە بەينەلەنەدى. فيلمدە 1930-جىلدار، 1939 جانە 1942-جىلدارداعى وقيعالار قامتىلادى»، - دەدى مۋساكوۆ.
بۇل كينوعا تەك وزبەكستاندىق اكتەرلەر ەمەس، سونداي-اق شەتەلدىك ارتىستەر دە تۇسەدى. مىسالى، رەجيسسەردىڭ سوزىنشە، گيتلەردىڭ ءرولىن گەرمانيالىق اكتەر كونستانتين روتوۆ سومدايدى. سونداي-اق، ول بۇل جۇمىستىڭ وسى جىلدىڭ سوڭىندا جارىق كورەتىنىن تىلگە تيەك ەتتى.
«بۇل تاقىرىپ مەنى قاتتى تولعاندىرادى، سەبەبى قازىرگى جاستار ەكىنشى دۇنيەجۇزىلىك سوعىستىڭ تاريحى تۋرالى مۇلدەم بىلمەيدى. بۇل سوعىستا 475 مىڭ جەرلەسىمىز قازا تاۋىپ، ءبىر جارىم ميلليونى مۇگەدەك بولىپ قايتىپ كەلدى. امەريكالىقتاردا وزبەكتەرگە قاراعاندا ادام شىعىنى از بولدى. بۇل نەنى بىلدىرەتىنىن بىلەسىز بە؟»، - دەدى رەجيسسەر.
ونىڭ ايتۋىنشا، بۇل كينو ەكىنشى دۇنيەجۇزىلىك سوعىستاعى وزبەكستاننىڭ قوسقان ۇلەسىنە ارنالادى.