ا ق ش بالليستيكالىق زىمىراندى قاعىپ تۇسىرەتىن جۇيەسىن سىنادى

استانا. قازاقپارات -  ا ق ش بيلىگى قۇرلىق ارالىق بالليستيكالىق زىمىرانداردى قاعىپ تۇسىرەتىن زىمىراننان قورعانىس جۇيەسىن سىناقتان ءساتتى وتكىزگەنىن مالىمدەدى. ا ق ش اسكەري باسشىلىعىنىڭ مالىمدەمەسىندە قۇرلىقتا تۇرىپ ارەكەت ەتەتىن زىمىراننان قورعانىس جۇيەسى «ءبىرىنشى رەت سىنالىپ وتىرعانى» ايتىلادى.

سىناق سولتۇستىك كورەيا يادرولىق جانە زىمىران باعدارلاماسىن جۇزەگە اسىرۋدى كۇشەيتىپ جاتقان تۇستا جاسالىپ وتىر. ا ق ش بيلىگىنىڭ حابارلاۋىنشا، سىناق كەزىندە تىنىق مۇحيتىنىڭ مارشالل ارالدارىنداعى پوليگوننان قۇرلىق ارالىق بالليستيكالىق زىمىران ۇشىرىلىپ، ونى كاليفورنياداعى ۆاندەنبەرگ اۋە بازاسىنان ۇشىرىلعان زىمىران قاعىپ تۇسىرگەن.

www.azattyq.org