ورىس ءتىلدى بالالاردىڭ قازاقشانى تەزىرەك مەڭگەرۋىنە باسا ءمان بەرىلەدى - ساعاديەۆ
دەپ حابارلايدى قازاقپارات.
«جاڭا ادىستەمەلەر تۇرعىسىندا قازاق تىلىنە توقتالساق، قازىرگى ۋاقىتتا جاعدايىمىز جامان ەمەس، ياعني 90 پروتسەنت قازاق بالالارى مەملەكەتتىك تىلدە وقىپ جاتىر. بيىل ۇلتتىق ءبىرىڭعاي تەستىلەۋگە كەلگەن بالالاردىڭ 80 پايىزى قازاق تىلىندە تاپسىرادى. بۇل بولماعان جاعداي. مىسالى، مەن وقىعان ۋاقىتتا الماتىدا 65 مەكتەپتىڭ ىشىندە تەك بىرەۋى قازاقشا وقىتقان. ارينە، سول بالالار ورىس تىلىندە ءبىتىرىپ، قازىر جۇمىس ىستەپ جاتىر. الايدا بولاشاعىمىز قالاي بولاتىنىن بىلگىلەرىڭىز كەلسە، قازىرگى ۋاقىتتا مەكتەپكە بارىپ بايقاۋعا بولادى. 10-15 جىلدا وسى بالالار مەكتەپتى ءتامامداپ، جۇمىسقا كىرىسكەن كەزدە بارلىعى رەتىمەن قازاقشا جۇرەدى»، - دەدى مينيستر.
بۇدان بولەك ساعاديەۆ ورىس تىلىندەگى مەكتەپتەردە وقىپ جۇرگەن بالالاردىڭ جاعدايىنا توقتالدى.
«قازىرگى ۋاقىتتا باسا نازار اۋداراتىن پروبلەمالاردىڭ بىرىنە توقتالساق، ورىس مەكتەپتەرىندە وقيتىن 500 مىڭعا جۋىق بالا قازاق تىلىندە 11 جىل وقىسا دا، سويلەمەيدى. ولاردى سول ۋاقىتقا دۇرىستاپ دايىنداۋ كەرەك. ادىستەمە ناشار ەكەنىن بارلىعىمىز ءتۇسىنىپ وتىرمىز. جاڭا دەڭگەيدەگى عىلىمي نەگىزدە جاسالعان ادىستەمە دايىن. ونى قاناتقاقتى جوبا رەتىندە مەكتەپتەرگە تاراتامىز. ءبىزدىڭ ماقساتىمىز - بالاردىڭ قازاق ءتىلىن تەزىرەك مەڭگەرۋىنە ءمان بەرۋ»، - دەدى ۆەدومستۆو باسشىسى.
اۆتور: رۋسلان عابباسوۆ