جۇرەگى اۋىستىرىلعان قازاقستاندىق ترانسپلانت- ويىندارىنىڭ جۇلدەگەرى اتاندى
15:35, 31 - مامىر 2017
استانا. قازاقپارات - قازاقستاندىق جانىبەك وسپانوۆ پولشادا ءوتىپ جاتقان دەنە مۇشەسى اۋىستىرىلعان ادامدار اراسىنداعى جارىستا سۋدا جۇزۋدەن كۇمىس جانە ۇستەل تەننيسىنەن قولا ەنشىلەدى، دەپ حابارلايدى «قازاقپارات» ح ا ءا ءتىلشىسى.
بۇل ترانسپلانتاتسيانى باستان وتكەرگەن قازاقستاندىق ءۇشىن ءبىرىنشى جەڭىس بولدى. تۋرنير پولشانىڭ زاموستس (Zamość) قالاسىندا 2017 -جىلدىڭ 24-27 مامىرى ارالىعىندا ءوتتى. «جارىس جەڭىل اتلەتيكا، سۋدا ءجۇزۋ، ۇستەل تەننيسى، دارتسۋ بويىنشا ءوتتى. مەن ۇستەل تەننيسى، سۋدا ءجۇزۋ، دارتسۋ بويىنشا قاتىستىم. ناتيجەسىندە 50 مەترگە جۇزۋدەن كۇمىس جۇلدە جانە ۇستەل تەننيسىنەن ءۇشىنشى ورىندى يەلەندىم» ، - دەدى ول. ايتا كەتەيىك، بيىل يسپانيادا بۇكىلالەمدىك سپورتتىق ترانسپلانت- ويىندارى وتەدى، وعان قازاقستاننىڭ اتىنان 6 سپورتشى قاتىسادى.