ارزان يپوتەكا: از تولەپ، باسپانا الۋ ءۇشىن نە ىستەۋ قاجەت؟
بۇل تۋرالى «ك ت ك» حابارلايدى.
ەندى كليەنتتەر ءۇشىن يپوتەكا مولشەرى 10 پايىز جىلدىق مولشەرگە دەيىن تومەندەيدى.
ەندى «قازاقستاندىق يپوتەكالىق كومپانيا» يپوتەكالىق نەسيەلەۋگە سۋبسيديا بولمەك. بۇل دەگەنىڭىز - كىمدە-كىم ءۇي السام دەپ بانكتە اقشا ساقتاپ وتىرسا، قىزمەت كورسەتىلگەنى ءۇشىن تولەنەتىن قاپتاعان پايىزدان قۇتىلا الادى. «نۇرلى جەر» باعدارلاماسىنىڭ قاتىسۋشىلارى ءۇشىن مولشەر ەكى ەسەگە دەيىن ارزانداپ، 10 پايىزعا تەڭەسەدى.
ارينە، ەۆروپالىقتارشا 3-4 پايىزدى ارمانداۋعا ءالى ەرتە. وتەماقىنىڭ قالعان بولىگىن مەملەكەت وزىنە الادى. بۇل ءۇشىن بيۋجەتتەن جىل سايىن 10 ميلليارد تەڭگە قاراستىرىلماق. ياعني، بانكتەر ەشتەڭە جوعالتپايدى. كەرىسىنشە، يپوتەكالىق قارىزداردى بەرۋدى قايتا جاڭعىرتا الادى. جىل سايىن 8 مىڭ ادام ارزان نەسيە راسىمدەۋگە ۇمىتكەر اتانباق.
مۇنداي يپوتەكانى الۋ ءۇشىن بىرىنشىدەن، «نۇرلى جەر» باعلارلاماسىنا قوسىلعان بانكتەردى تابۋ قاجەت. قازىردە ولاردىڭ سانى - 7. جانە ولاردا نەسيە الۋ جىلدام.
استانا مەن الماتىدا قارىز بەرىلۋ سوماسى 20 ميلليون تەڭگەدەن، ال وڭىرلەردە 15 ميلليوننان اسپاۋى ءتيىس. بانككە باسپانا قۇنىنان 30 پايىزدى بىردەن تولەۋ كەرەك. تەك وسى جاعدايدا تومەنگى مولشەرلەمەمەن يپوتەكا الۋ مۇمكىندىگى پايدا بولادى.