يەسىن قۇتقارماق بولعان ءيت كوبرانى ءولتىرىپ بارىپ، ءوزى دە ولدى
19:54, 30 - مامىر 2017
استانا. قازاقپارات - وڭتۇستىك افريكانىڭ پرەتوريا قالاسىندا ءيت ءوزىنىڭ قوجايىنىن كوبرادان قۇتقارىپ قالدى، دەپ جازادى Daily Mirror باسىلىمى.
ادامعا قاراي جىلجىعان جىلاندى اڭعارا سالا سپايك ەسىمدى يوركشير ءيتى ونى تارپا باس سالادى. ول كوبرانى ولتىرگەنىمەن، جىلان ءيتتى شاعىپ ۇلگەرگەن.
سونىمەن قاتار، ايەلدىڭ پرينسەز ەسىمدى تاعى ءبىر جانۋارىن اياعىنان شاققان. ءبىر ساعات ىشىندە ەكى ءيت تە اجال قۇشتى.
يەسى سپايكتىڭ جانىنا جۇگىرىپ كەلىپ جىلاندى باس سالعانىنا دەيىن ونى اڭعارماعاندىعىن ايتادى.
«ول ماعان سونشالىقتى جاقىن كەلگەن ەكەن، - دەيدى ول. - سپايك سەكىرىپ، موينىنان تىستەمەگەنىندە، ول مەنى دە شاعىپ الار ەدى».