الماتىدا «قازاقستان - جۇرەگىمدە» ونەر فەستيۆالى ءوتتى - فوتو

الماتى. قازاقپارات - الماتىدا وتكەن «قازاقستان - جۇرەگىمدە» ونەر فەستيۆالىندە وزگە ۇلت وكىلدەرى قازاقتىڭ ءانىن شىرقاپ، ءبيىن بيلەدى، دەپ حابارلايدى قازاقپارات ءتىلشىسى.

«بۇل فەستيۆال قازاقستاندا تۇرىپ جاتقان جۇزدەگەن ەتنوس وكىلدەرىنىڭ قازاق حالقىنىڭ ونەرى مەن مادەنيەتىن قانشالىقتى بىلەتىنىن كورسەتەدى. ابايدىڭ «وزگە ءتىلدى بىلگەن ادام سول حالىققا جاقىن، ەركىن بولادى» دەگەن ءسوزى بار»، - دەيدى قالالىق جاستار ساياساتى ماسەلەسى جونىندەگى باسقارما وكىلدەرى.

ساحنادا تۇرىك، ۇيعىر، وزبەك ۇلتىنىڭ ونەرپازدارى ونەر كورسەتتى. «نام سون» كارىس توبى، «ينتيزار» ۇيعىر ءبي توبى، «دولان» ۇيعىر ءبي توبىنىڭ قىزدارى مىڭ بۇرالىپ قازاق ءبيىن بيلەدى.

ەڭ كىشكەنتاي قاتىسۋشى، حالىقارالىق بايقاۋلاردىڭ جەڭىمپازى كايراتجان قىزى امانيسا «قۋىرشاق» ءبيىن بيلەپ كورەرمەندى تاڭقالدىردى. سونداي-اق، قازىلار القاسى كەشتىڭ جۇرگىزۋشىسى ولگا كولەسنيكوۆانىڭ قازاق ءتىلىن ەركىن مەڭگەرگەندىگىنىڭ ارقاسىندا كەش وتە جوعارى دەڭگەيدە وتكەنىن اتاپ ءوتتى.

انشىلەردىڭ ىشىندە 1- ورىندى ۇلتى تۇرىك دۋندار سەميح، 2-ورىندى ورىس قىزى سەمەنوۆا اناستاسيا، 3-ورىندى ءازىربايجان جىگىتى مامەدوۆ ازيز يەلەندى.

قازىلار القاسى «نام سون» كارىس بيشىلەرىنىڭ ونەرىن 1-ورىنعا لايىق دەپ تاپسا، 2-ورىنعا «ينتيزار» ۇيعىر ۇلتتىق ءانسامبلى، 3-ورىنعا «دولان» ءبي توبى تابان تىرەدى.

اۆتور: گۇلميرا عوسمانالي