مەركەل: ەۋروپا بۇدان ارى ا ق ش پەن ۇلى بريتانياعا «تولىق تاۋەلدى» بولا المايدى
28 - مامىردا ميۋنحەندە سايلاۋالدى ميتينگىسى كەزىندە سويلەگەن مەركەل ا ق ش جانە ۇلى بريتانيا سياقتى وداقتاستارىمەن دوستىق قارىم- قاتىناستى قولداۋدىڭ ماڭىزدى ەكەنىن ايتتى. دەگەنمەن ول ەۋروپا وداعى بۇل ەلدەرگە «تولىق ارقا سۇيەي المايتىنىن» ايتىپ، ەۋروپالىقتار ءوز تاعدىرىن ءوز قولىنا الۋى ءتيىس ەكەنىن جەتكىزدى.
بۇدان ءبىر كۇن بۇرىن يتاليانىڭ سيتسيليا ارالىندا وتكەن سامميتتە «ۇلكەن جەتىلىك» ەلدەرىنىڭ باسشىلارى كليماتتىڭ وزگەرۋى جونىندەگى پاريج كەلىسىمىنە قاتىستى مامىلەگە كەلە الماعان. جەتى ەل باسشىلارىنىڭ اراسىندا سونىمەن قاتار ساۋدا جانە ميگراتسيا ماسەلەلەرىنە قاتىستى دا كەلىسپەۋشىلىك تۋىنداعان. 26 - مامىردا ا ق ش پرەزيدەنتى دونالد ترامپ بريۋسسەلدە ەۋروپا وداعى باسشىلارىمەن كەزدەسۋدە گەرمانيانى ناتو- نىڭ قورعانىس سالاسىنداعى شىعىنداردى كوبەيتۋ تۋرالى مىندەتىن ورىنداماي وتىر دەپ ايىپتاپ، نەمىس كولىكتەرىن ەكسپورتتاۋعا قاتىستى دا نارازىلىعىن بىلدىرگەن.
www.azattyq.org