پانامانىڭ بۇرىنعى ديكتاتورى قايتىس بولدى
12:45, 30 - مامىر 2017
استانا. قازاقپارات - پانامانى 1983-1989 -جىلدار ارالىعىندا باسقارعان گەنەرال مانۋەل نورەگا 83 جاسىندا قايتىس بولدى. بۇل تۋرالى AFP اگەنتتىگى ۇكىمەتتىڭ وكىلىنە سىلتەمە جاساپ مالىمدەدى، دەپ حابارلايدى ت ا س س.
«نورەگا مىرزا بۇگىن تۇندە كوز جۇمدى»، - دەدى اگەنتتىكتىڭ دەرەككوزى.
پانامانىڭ پرەزيدەنتى حۋان ۆارەلا Twitter- دەگى پاراقشاسىندا گەنەرالدىڭ ولىمىنە قاتىستى: «مانۋەل نورەگانىڭ ءولىمى ءبىزدىڭ تاريحىمىزدىڭ ءبىر ءبولىمىن جاپتى»، - دەپ پىكىر بىلدىرگەن. بۇرىن حابارلانعانداي، بۇرىنعى كوشباسشى باس سۇيەگىنە بىرنەشە وتا جاساتىپ، جاساندى كوماعا تۇسكەن بولاتىن.
مانۋەل نورەگا 1983-1989 -جىلدارى پانامانى باسقارىپ، ا ق ش- تىڭ ارالاسۋىمەن بيلىكتەن شەتتەتىلدى. ول وپپوزيتسيا جاقتاۋشىلارىن جاپپاي ولتىرگەنى ءۇشىن ايىپتالدى. 2011 -جىلى بۇرىنعى كوشباسشى فرانسيادان پاناماعا ەكستراديتسيالانىپ، تۇرمەگە قامالدى. پاناما سوتى قاڭتار ايىندا نورەگانىڭ باس سۇيەگىندە ىسىك بولۋىنا جانە وعان وتا جاسالۋىنا بايلانىستى بۇرىڭعى باسشىنى ءۇي قاماۋىنا اۋىستىرۋعا رۇقسات ەتتى.