قىزعانشاق ايەل وزگەگە ۇيلەنگەن سۇيىكتىسىن تاماعىنا قىشقىل قۇيىپ ءولتىردى - فوتو
22:19, 29 - مامىر 2017
استانا. قازاقپارات - ءۇندىستاندا حيما بيندۋ ەسىمدى ايەل وزگەگە ۇيلەنىپ كەتكەن بۇرىنعى عاشىعىن ءولتىرىپ تاستادى.
ول قۇربانىنىڭ تاماعىنا قىشقىل قۇيىپ جىبەرگەن. بۇل تۋرالى tuko.co.ke سايتى حابارلايدى.
بۇل جايت ءۇندىستاننىڭ ۆەنيگاندلا اۋىلىندا بولعان. ايەل 24 جاستاعى بۇرىنعى جىگىتى شەيح موحامماد يلياستىڭ ۇيلەنگەنىن ەستىپ، ونى كەزدەسۋگە شاقىرادى.
تۋىستارىنىڭ ايتۋىنشا، كەزدەسۋ بارىسىندا حيما جانجال شىعارىپ، موحاممادتىڭ تاماعىنا سومكەسىندەگى ءبىر شولمەك قىشقىلدى قۇيىپ جىبەرگەن. موحامماد اۋىر جاراقاتتاردان ەمحانادا ءتىل تارتپاي كەتتى. ال قاسكوي ايەل سول جەردە ءىزىن سۋىتقان.