قانات يسلام بارشا امەريكالىقتاردى ەكسپو كورمەسىنە شاقىردى
17:44, 29 - مامىر 2017
استانا. قازاقپارات - كەشە قازاق ەلىنىڭ نامىسىن ابىرويمەن قورعاپ، كاسىبي بوكستاعى كەزەكتى جەكپە-جەگىن جەڭىسپەن اياقتاعان قانات QAZAQ يسلام امەريكالىق جانكۇيەرلەردى استاناعا شاقىردى.
بۇل تۋرالى ول جەكپە-جەك اياقتالعان سوڭ رينگتە ايتتى دەپ حابارلايدى NUR. KZ.
«مەن بارشا امەريكالىقتاردى قازاقستاننىڭ استاناسىندا وتەتىن ەكسپو كورمەسىنە شاقىرامىن. سىزدەر ءبىزدىڭ ەلدىڭ مادەنيەتىمەن، تۇرمىس-سالتىمەن تانىسىپ، حالىقتىڭ قوناقجايلىعىنا تاڭ قالىپ كەتەسىزدەر. بۇل ەكى ەل اراسىنداعى كوپىر بولماق. سوندىقتان بارشاڭىزدى استاناعا، ەكسپو كورمەسىنە شاقىرامىن»، - دەدى قانات يسلام.
ەسكە سالا كەتەيىك، قانات يسلام مەكسيكالىق نوربەرتو گونسالەستى 12 راۋندتا تورەشىلەر شەشىمىمەن جەڭگەن بولاتىن.