قازاقستاندا جاسالعان اككۋمۋلياتور قىتاي ەلىندە ۇلكەن سۇرانىسقا يە
«قاينار» كومپانياسىنىڭ قىتايداعى نەگىزگى سەرىكتەسىنىڭ بەيجىڭ قالاسىندا ون شاقتى دۇكەنى بار. ونىڭ ۇستىنە ءونىمدى كوپتەپ جارنامالاۋ جانە ساتۋ كولەمىن ارتتىرۋ ءۇشىن عالامتورعا باسىمدىق بەرمەك. قازاقستاندىق تاۋاردى قىتاي نارىعىندا ساۋدالايتىن كومپانيا ءونىمدى جەتكىزىپ تە بەرەدى. ولاردىڭ ايتۋىنشا، ءبىزدىڭ ەلدە شىعارىلعان اككۋمۋلياتوردىڭ ساپاسى وتە جوعارى. سوندىقتان ونى جاقسى باعادا وتكىزىپ، تۇتىنۋشىلارعا جوعارى قىزمەت كورسەتۋ كەرەك.
قالي بايعازى، «قاينار- ا ك ب» كومپانياسىنىڭ قىتاي نارىعى بويىنشا مەنەدجەرى:
- ءبىز بۇدان بۇرىن ءۇرىمجى جاققا 800 داناسىن ساتقانبىز. ءارى قىتاي ارقىلى افريكاعا دا 500-600 اككۋمۋلياتور جىبەردىك. ون مىڭ دانانى تەكسەرۋ بارىسىندا ەرەكشە جاقسى ونىمگە يە بولدى. ءبىرىنشى پارتيادا 20 مىڭ دانا كىرگىزبەكپىز. جىلىنا 700 مىڭعا دەيىن قۇلشىنامىز. جىلىنا 3 ميلليون ءونىم شىعارىپ، سونى بۇكىل قىتايعا ساتساق دەپ جوسپارلاپ وتىرمىز.
جاڭ چۋنگۋان، بەيجىڭدەگى ساۋدا كومپانياسىنىڭ باس مەنەدجەرى:
- قازاقستاندىق ءونىمدى قىتايعا اكەلمەس بۇرىن ىشكى نارىقتاعى سۇرانىستى زەرتتەپ، ساراپتاما جاسادىق. سونىمەن قاتار بىرنەشە رەت ءوزىمىزدىڭ وكىلدەردى ءونىم ءوندىرۋشى كومپانياعا جىبەرىپ، ناقتى جاعدايىمەن تانىستىق. قىتايدا اككۋمۋلياتور ءوندىرىسى جاقسى دامىعان. الايدا ءبىزدىڭ نارىق وتە ۇلكەن. ساپالى تاۋارعا سۇرانىس بار. قازاقستاندىق اككۋمۋلياتور سۋىققا ءتوزىمدى، وزگە تاۋارلاردان ساپالى بولاتىنىنا سەنىمدىمىن.
www.24.kz