سولتۇستىك كورەيا تاعى دا زىمىران سىناعىن وتكىزدى
07:16, 29 - مامىر 2017
استانا. قازاقپارات - ك ح د ر تاعى دا زىمىران سىناعىن وتكىزدى. ونىڭ قانداي زىمىراندى سىناعانى بەلگىسىز، ءبىراق ول بالليستيكالىق زىمىران دەگەن بولجام بار.
بۇل تۋرالى وڭتۇستىك كورەيانىڭ قارۋلى كۇشتەرى ءمالىم ەتتى، دەپ جازادى ت ا س س.
مالىمەت بويىنشا، زىمىران سولتۇستىك كورەيالىق ۆونسان قالاسى ماڭىنان ۇشىرىلعان. كورەيا رەسپۋبليكاسىنىڭ پرەزيدەنتى مۋن چجە ين شۇعىل تۇردە قاۋىپسىزدىك كەڭەسىنىڭ شاقىرىلعانىن جاريا ەتتى. ال Reuters اگەنتتىگى جاپونيانىڭ مينيسترلەر كابينەتىنىڭ باس حاتشىسى يەسيحيدە سۋگۋگە سىلتەمەمەن زىمىراننىڭ كۇنشىعىس ەلىنىڭ ارنايى ەكونوميكالىق ايماق ورنالاسقان اۋماعىنا تاياۋ جەرگە قۇلاعانىن جازادى.