بەلگرادتا كۇشتى جارىلىس بولدى
09:03, 28 - مامىر 2017
استانا. قازاقپارات - سەربيا استاناسىنىڭ باتىس بولىگى - جاڭا بەلگرادتا قۋاتتى جارىلىس بولدى.
بۇل تۋرالى ت ا س س B92 پورتالىنا سىلتەمە جاساپ حابارلايدى. جارىلىستىڭ قۋاتتى بولعانى سونشالىق، ونىڭ داۋىسىن قالانىڭ جان-جاعىنداعىلاردىڭ بارلىعى ەستىگەن.
ال وقيعاعا جاقىن ايماقتا ورنالاسقان ۇيلەردىڭ تەرەزەلەرىنە دەيىن سىقىرلاپ كەتتى، دەيدى جەرگىلىكتى تۇرعىندار.
پورتالدىڭ حابارلاۋىنشا، جارىلىس اۆتوورتالىقتىڭ ماڭايىندا بولعان. وقيعا ورنىنا ءورت سوندىرۋشىلەر، پوليتسيا مەن جەدەل جاردەم قىزمەتى جەتتى. وسى ۋاقىتتا وقيعانىڭ سەبەپ- سالدارى انىقتالۋدا.
ءى ءى م وكىلدەرىنىڭ حابارلاۋىنشا، جارىلىستىڭ سالدارىنان زارداپ شەككەندەر جوق. ال urir باسىلىمى اۆتوورتالىقتىڭ ماڭىندا اتۆوموبيل مايلارىنىڭ قويماسى جارىلدى دەپ جازدى، جارىلىس بولعان جەردى قويۋ ءتۇتىن باسقان.