قانات يسلام «ءازازىلدى» جەڭدى

استانا. قازاقپارات - ءبىرىنشى ورتا سالماقتا WBO Intercontinental جانە WBA Fedelatin بەلبەۋلەرىنىڭ يەگەرى قازاقستاندىق كاسىپقوي بوكسشى قانات يسلام (24-0, 20 ك و) مەكسيكالىق نوربەرتو گونسالەستى (24-9, 13 ك و) ۇپاي سانىمەن ۇتتى، دەپ حابارلايدى قازاقپارات.

 بوكا- راتونەدە (ا ق ش، فلوريدا شتاتى) قالاسىندا وتكەن 12 راۋندتىق جەكپە- جەكتە قانات يسلام قارسىلاسىنان باسىم ءتۇستى. وسى جەڭىسىنىڭ ارقاسىندا وتانداسىمىز ءبىرىنشى ورتا سالماقتاعى WBO NABA جانە WBA Intercontinental تيتۋلدارىن جەڭىپ الدى.

 ايتا كەتەيىك، boxrec.com سايتى قاناتتىڭ مەكسيكالىق نوربەرتو گونسالەسكە قارسى جەكپە- جەگىنىڭ دەڭگەيىن 3  جۇلدىزعا باعالادى. boxRec پورتالىنىڭ الەمدىك رەيتينگىندە قانات ءبىرىنشى ورتا سالماقتا 55 ۇپايمەن 55- ورىندا تۇرعان بولسا، گونسالەس 59 ۇپايمەن 46- ورىندا تۇرعان بولاتىن. بۇل قاناتتىڭ العاشقى 3 جۇلدىز دەڭگەيىندەگى جەكپە- جەگى.

ريزابەك نۇسىپبەك ۇلى