دارحان قىدىرالى موڭعوليا ۇلتتىق عىلىم اكادەمياسىنىڭ قۇرمەتتى دوكتورى اتاعىن الدى
«موڭعوليا مەن تۇركى الەمىنىڭ اراسىنداعى عىلىمي ىنتىماقتاستىقتى دامىتۋعا قوسقان ەڭبەگى جانە كوشپەلىلەر مۇراسىن زەرتتەۋگە قوسقان زور ۇلەسى ءۇشىن تاعايىندالعان ماراپاتتى موڭعوليا ۇلتتىق عىلىم اكادەمياسىنىڭ I ۆيتسە- پرەزيدەنتى، اكادەميك گەلەگپيل چۋلۋۋنبااتار تاپسىردى»، - دەپ اتاپ وتىلگەن تاراتىلعان مالىمەتتە.
گ. چۋلۋۋنباتاردىڭ ايتۋىنشا، دارحان قىدىرالى اكادەميانىڭ قۇرمەتتى دوكتورى اتاعى بەرىلگەن بەسىنشى ادام.
ايتا كەتۋ كەرەك، ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنا ارنالعان فورۋم جۇمىسىنا ا ق ش- تان، ەۋروپا مەن ازيا ەلدەرىنەن كەلگەن 200 گە جۋىق عالىمدار قاتىسۋدا.
اكادەميا سايتىنىڭ مالىمەتىنە قاراعاندا، كەشە تۇركى اكادەمياسى حالىقارالىق ۇيىمى (TWESCO) مەن موڭعوليا ۇلتتىق عىلىم اكادەمياسى ءوزارا ىنتىماقتاستىق مەموراندۋمىن بەكىتتى. قۇجاتتا كورسەتىلگەن شارتتارعا سايكەس، تاراپتار عىلىم سالاسىنداعى ماڭىزدى جۇمىستاردى جەتىلدىرىپ، تيىمدىلىگىن ارتتىرۋ ماقساتىندا ورتاق عىلىمي- زەرتتەۋلەر مەن جوبالاردى جۇزەگە اسىرۋعا كەلىستى.
اتاپ ايتقاندا، بىرلەسكەن عىلىمي- زەرتتەۋ ەكسپەديتسياسىن وتكىزۋگە، عالىمدار مەن زەرتتەۋشىلەر اراسىندا ءوزارا تاجىريبە الماسۋعا، جاس عالىمداردى تاعىلىمدامادان وتكىزۋگە، سونىمەن قاتار تاريحي دەرەككوزدەر مەن ەسكەرتكىش كەشەندەرىن بىرلەسىپ زەرتتەۋگە ۋاعدالاستى.
اۆتور: رۋسلان عابباسوۆ