قانات يسلام مەن جانقوش تۇراروۆ سالماق ولشەۋ راسىمىنەن ءساتتى ءوتتى - فوتو

استانا. قازاقپارات - قانات يسلام مەن جانقوش تۇراروۆ سالماق ولشەۋ رىسىمىنەن ءساتتى ءوتتى، دەپ حابارلايدى قازاقپارات ءتىلشىسى.

بۇل تۋرالى قانات يسلامنىڭ PR- مەنەدجەرى بەرىك سۇلتان facebook پاراقشاسىندا جاريالادى.

«قانات يسلام مەن نوربەرتو گونسالەستىڭ سالماق ولشەۋى ءوتتى. بارلىعى ويداعىداي. ەرتەڭ ازاندا «قازاقستان» ارناسىن 6:00 دە قوسىپ، قازاققا جانكۇيەر بولىڭىزدار!»، دەپ جازدى ول.

سونداي-اق، جانقوش تۇراروۆتىڭ دا سالماق ولشەگەنى تۋرالى پىكىرىن قالدىردى.

«قازاقتىڭ باتىرى جانقوش تۇراروۆ تا سالماق ولشەۋ راسىمىننەن ءساتتى ءوتتى. دايىندىعى كەرەمەت. جەڭىس كۇتىڭىزدەر!»، - دەلىنگەن جەلىدەگى پاراقشاسىندا.

ەسكە سالا كەتەيىك، قانات يسلام ءوزىنىڭ كەزەكتى جەكپە-جەگىن 26 مامىردا بوكا-راتوندا (ا ق ش، فلوريدا شتاتى) وتكىزەدى. ونىڭ قارسىلاسى - مەكسيكالىق نوربەرتو گونسالەس (23-8، 13 ك و). بۇل جارىسقا ءبىرىنشى ورتا سالماقتاعى WBO NABA جانە WBA Intercontinental تيتۋلدارى تىگىلەدى.

ال جانقوش تۇراروۆ جارتىلاي ورتا سالماق دارەجەسىندە مەكسيكالىق گۋستاۆو گاريبايمەن قولعاپ تۇيىستىرەدى.

اۆتور: كۇنسۇلتان وتارباي