قازاقستان رەسەيلىك شىرىندى ساۋدا سورەسىنەن الىپ جاتىر

استانا. قازاقپارات - رەسەيلىك «لەبەدينسكيي» ج ش س وندىرگەن «فرۋكتوۆىي ساد» شىرىنى ساتىلىمنان الىنىپ تاستالماق، دەپ حابارلايدى «قازاقپارات» ح ا ا ءتىلشىسى.

«استانا مەن الماتى قالالارى مەن وبلىستاردىڭ ساۋدا نىساندارىندا مىناداي ءقاۋىپتى ازىق- تۇلىك ءونىمى ساتىلۋى مۇمكىن: «لەبەدينسكي» ج ش س وندىرگەن (رەسەي فەدەراتسياسى، ليپەتسك وبلىسى، لەبەديان قالاسى) كولەمى 0,3 ليتر بولاتىن پەت- بوتەلكەدەگى «فرۋكتوۆىي ساد» الما- شابدالى شىرىنى - 2017 -جىلعى 25 -اقپانىندا وندىرىلگەن، 2017 -جىلدىڭ 25 -تامىزىنا دەيىن پايدالانۋعا جارامدى»، - دەلىنگەن ق ر دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتى تاراتقان حابارلامادا.

دەنساۋلىق ساقتاۋ مينيسترلىگىنىڭ قازاقپاراتقا حابارلاۋىنشا، ازىرگە جوعارىدا اتالعان شىرىننان ۋلانۋ وقيعاسى تىركەلگەن جوق. «قوعامدىق دەنساۋلىق ساقتاۋ كوميتەتى استانا، الماتى قالالارى مەن وبلىستارداعى ءبىزدىڭ ايماقتىق بولىمشەلەرگە ءونىمنىڭ قاۋىپسىزدىگى تۋرالى مونيتورينگ جۇرگىزۋگە جانە كوتەرمە- بولشەك ساۋدا كاسپورىندارىنان جوعارىدا اتالعان ءونىم تابىلعان جاعدايدا، ونى ساتىلىمنان الۋ جانە سانيتارلىق- ەپيدەميولوگيالىق ساراپتاما جۇرگىزۋ تۋرالى تاپسىرما كەلىپ ءتۇستى»، - دەپ ءتۇسىندىردى ق ر دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ تەحنيكالىق رەگلامەنتتەر تالاپتارىنىڭ ساقتالۋىن باقىلاۋ باسقارماسىنىڭ باسشىسى ايگەرىم سادۋبايەۆا.

ونىڭ ايتۋىنشا، كوميتەتتىڭ بارلىق ايماقتىق دەپارتامەنتتەرى ساۋدا كاسىپورىندارىمەن جۇمىستى باستاپ كەتتى. رەسمي دەرەكتەرگە سايكەس، روسپوترەبنادزور «فرۋكتوۆىي ساد» الما- شابدالى شىرىنىنىڭ بارلىق پارتياسىن كەرى قايتارىپ جاتىر. وعان اتالعان ءونىمدى تۇتىنعان بالا مەن ەرەسەك ادامنىڭ اۋىز قۋىسىنىڭ حيميالىق كۇيىك الۋى سەبەپ بولعان.

اۆتور: ايجان سەرىكجان قىزى