ديماش قۇدايبەرگەن «جىلدىڭ ەڭ تانىمال ءانشىسى» اتاندى - فوتو، كەسكىن
بۇل تۋرالى ءانشى Instagram داعى ءوزىنىڭ پاراقشاسىندا جازدى، دەپ حابارلايدى قازاقپارات ءتىلشىسى. «OK جۋرنالىنىڭ شەشىمى بويىنشا «جىلدىڭ ەڭ تانىمال ءانشىسى» جۇلدەسىنە يە بولدىم! بارلىق Dears-تارىما جانە BG Talent-قا ۇلكەن راحمەت!!» ، - دەپ جازدى ول.
Қызыл кілем #OK журналының бүгін марапат кеші! Сүйінші сұрап қалуымыз мүмкін! Себебі, Димаш "Жылдың ең танымал әншісі" марапатынан үмітті! Тілекші болайық!!! 🙏🙏🙏 @kudaibergenov.dimash #dimashkudaibergen #dimash #dears #myfriend #kazakhboy #AlpamysSharimov #RedCarpet #OK #magazine #paparazzi
Публикация от Alpamys Sharimov (@asharimov) Май 25 2017 в 4:23 PDT
ايتا كەتەيىك، قازاقستاندىق جاس دارىن مەرەيتويلىق كەشتە «Memories That Can'tTake Away» ءانىن شىرقادى. تانىمال ءانشى- اكتەرلەر تۋرالى «OK!Magazine China» جۋرنالىنىڭ العاشقى سانى 1993 -جىلى انگليانىڭ لوندون قالاسىندا جارىق كوردى. ول كۇن سايىن الەمنىڭ 13 ەلىندە شىعادى. جۋرنالدىڭ قىتايلىق نۇسقاسى 2012 - جىلدان باستاپ وقىرمانعا جول تارتتى. ايتا كەتەيىك، 24 - مامىر كۇنى ديماش بەيجىڭ قالاسىندا «توسىنسىيعا تولى تۋعان كۇن» اتتى كەشكە قاتىسىپ، ءوزىنىڭ تۋعان كۇنىن قىتايلىق جانكۇيەرلەرىمەن بىرگە قارسى الدى. قازاقتىڭ جاس ءانشىسى قىتايدىڭ «Singer - 2017» بايقاۋىنا قاتىسىپ، الەمگە تانىمال بولدى. ءانشى بۇعان دەيىن «China Top music Awards» سىيلىعىنىڭ 24- راسىمىندە «ازيانىڭ ەڭ تانىمال ءانشىسى» جانە «17th Top China Music Awards» شاراسىندا «حالىقارالىق دارەجەدەگى تانىمال ءانشى» نوميناتسياسى بويىنشا ماراپاتتالعان بولاتىن.
اۆتور: مۇحتار قاليموللا ۇلى