ىشكى ىستەر ورگاندارىنىڭ وكىلدەرى بالالاردىڭ ۇيدەن نەگە قاشاتىنىن ايتتى

استانا. قازاقپارات - ق ر ءى ءى م وكىلدەرى كامەلەتكە تولماعان بالالاردىڭ ۇيلەرىنەن قاشىپ كەتۋىنە نەنىڭ سەبەپ بولاتىنىن ايتىپ بەردى.

ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆتىڭ ايتۋىنشا، بيىل جىل باسىنان بەرى ىشكى ىستەر ورگاندارىنىڭ قىزمەتكەرلەرى ىزدەۋدە بولعان 119 بالانى ۇيلەرىنە قايتاردى.

«ىزدەۋدە بولعان بالالاردىڭ باسىم بولىگى جاعدايى تومەن وتباسىلاردان جانە مەكتەپ- ينتەرناتتاردان شىققان، سونداي-اق، ولار ۇيدەن ءوز ەركىمەن قاشىپ كەتىپ جاتادى. اتا-انالارىنان كەتىپ قالۋىنا ولاردىڭ جۇيەلى ءتۇرلى الكوگول ىشىمدىكتەردى پايدالانۋى سەبەپ بولىپ تۇر»، - دەدى الماس سادۋبايەۆ.

«جاستار ءتۇرلى سايتتارعا كىرىپ، تانىسىپ، كەزدەسۋلەرگە بارىپ جاتادى. وسىلايشا، ۇيدەن كەتىپ قالادى. مۇنداي جاعدايلاردا ولاردى ىزدەستىرۋ قيىندىق تۋعىزادى»، - دەدى ول. سونداي-اق، ۆەدومستۆونىڭ رەسمي وكىلى بالالار جوعالىپ كەتكەن جاعدايدا بىردەن جاقىن جەردەگى پوليتسيا بولىمشەسىنە حابارلاسۋدى سۇرايدى.

 Tengrinews.kz