قايرات نۇرتاس ىنىلەرى مەن جاقىندارىنا ءبىر- ءبىر ۇيدەن الىپ بەرگەن
بۇل تۋرالى «استانا» ارناسىنىڭ «سىرلاسۋ» باعدارلاماسىندا ايتىلدى.
«شىنىمدى ايتقانىم ءۇشىن حالىقتان ۇرىس ەستيمىن» ، - دەيدى تانىمال پروديۋسەر.
تەلەجۇرگىزۋشى گۇلزيرا ۇسەن قىزىنان وسى كۇنگە دەيىن قايراتتىڭ قانشا ءۇي سىيلاعانىن سۇرادى. الايدا پروديۋسەر العاشقىدا جاۋاپ بەرۋدەن باس تارتىپ، ءتىپتى، قىزبالانىپ كەتتى.
«سونى ايتپاي- اق قويايىنشى، ءبىراز ءۇي بار» ، - دەپ قىسقا قايىردى ول.
الايدا ايگەرىم سەيفوللانىڭ: «دەگەنمەن، قايراتتىڭ ەڭبەگى عوي، ەل ءبىلسىن» ، - دەگەن سوزىنەن كەيىن عانا گۇلزيرا ايداربەكوۆا قايراتتىڭ 5-6 ءۇي الىپ بەرگەنىن مويىنداپ قويدى.
«جەتى قاناتتى اق وردادا تۇرامىن دەپ ايتپايمىن. ءبىز قاراپايىمبىز. ءوزىمىزدىڭ قاراپايىمدىلىعىمىزعا لايىقتى ۇيدە تۇرامىز. قازىر ەندى نەشە ءتۇرلى زاماناۋي ۇيلەر شىعىپ جاتىر. قايرات «وزىمدە بولىپ تۇرعاندا ىنىمە، جاقىندارىما الىپ قويايىن» دەپ ايتىپ جاتادى. ءبارى ەر جەتىپ، كەلىنشەك الۋعا دايىن وتىر. قايرات ءوزى سىي رەتىندە ىنىلەرىنە ءبىر- ءبىر ۇيدەن الىپ قويعان» ، - دەيدى گۇلزيرا ايداربەكوۆا.
ايداربەكوۆتەر وتباسى قايرات مەكتەپ بىتىرگەننەن كەيىن استاناعا كوشىپ كەتكەن. الايدا قايرات پەن ونىڭ اتا- اناسى كوبىنەسە الماتىداعى ۇيلەرىندە بولادى ەكەن.