الەمدەگى ەڭ جۇيرىك جەلاياقتاردىڭ قۇپياسى

نۇر-سۇلتان. قازاقپارات - الەمدىك ساراپتاما جاساۋ ورتالىعى كوپتەگەن دۇنيەجۇزىلىك رەكوردتار جانە ەڭ باي، ەڭ مىقتى ادامداردىڭ ءتىزىمىن جاقسى بىلەدى. ويتكەنى ولار اي سايىن، جىل سايىن جاڭارىپ وتىرادى.

سونىڭ ىشىندە سپورتتىق مانساپ تا بار. ماسەلەن ساراپتاما ورتالىعى 2010 - جىلعا دەيىن 156 حالىقارالىق مارافون بولعانىن ەسەپتەگەن. ەڭ قىزىعى سونىڭ ىشىندە 126 ءتۇرىن كەنيالىق جەلاياقتار جەڭىپ العان. ونىمەن قىزىق توقتاعان جوق، سەبەبى جەڭىمپازداردىڭ ءبارى دەرلىك كەنيا جەرىندەگى كالەندجين تايپاسىنان بولعان. ال تايپانىڭ جالپى سانى - 3,5 ميلليون عانا. ال ولاردىڭ ەرەكشەلىگى نەدە؟

عالىمدار وسى تايپا جايىندا باس قاتىرا باستادى. سەبەبى ولار ءۇشىن بۇل جۇمباق بولدى. عالىمداردىڭ پايىمداۋىنشا بۇل جۇمباقتىڭ جاۋابى ولاردىڭ دەنە بىتىمدەرىندە دەيدى. كالەندجين تايپاسىنىڭ حالقى بويلارى ۇزىن، ارىق ءارى بۇلشىق ەتتەرى جيناقى كەلگەن. ال بۇلاي بولۋعا ولاردى ومىرلىك تاجىريبە ۇيرەتكەن. ياعني تايپا مال شارۋاشىلىعىمەن اينالىسادى. ال عالىمداردان بولەك ديەتولوگتار ءوز الدىنا ءبىر بولجام جاسادى. ولار تايپانىڭ كۇندەلىكتى جەيتىن تاماقتارىنا اسا ءمان بەرە باستادى. كەنيالىق جەل اياقتار ەشقانداي قوسپاسى بار تاماق جەمەيتىنىن العا تارتادى. تاعى ءبىر ايتا كەتەتىن تەوريالىق نەگىز، كەنيالىق جەل اياقتاردىڭ اعزاسى جەر بەتىندەگى ادامدارعا قاراعاندا وتتەگىمەن كوپ قامتىلعان.

بۇل تايپا جەر بەتىنەن 2000 مەتر بيىك تاۋلى جەرلەردە ءومىر سۇرەدى ⅩⅩعاسىردىڭ سوڭىندا كوپەنگاگەننىڭ عىلىمي زەرتتەۋ ورتالىعىندا كەنيالىق جەلاياقتارعا ارنايى زەرتتەۋ جۇمىستارى جۇرگىزىلدى. ولار بۇلشىق ەتتەردى زەرتتەي باستادى. ءاربىر كالەندجين تايپاسىنىڭ 12-15 جاستاعى بالاسى ۇزاق قاشىقتىقتى ەۋروپانىڭ ەڭ مىقتى مارافونشىلارى سەكىلدى جۇگىرىپ وتەتىن بولعان. عالىمدار قورىتا كەلە كەنيالىق جەلاياقتاردىڭ جۇيرىك بولۋىنا ەشقانداي جاعداي اسەر ەتپەيتىنىن ايتىپ، ول گەننەن دەپ تاپتى.

Massaget.kz