شاعىن قالتاشامەن ەسىرتكى تاسىمالدايتىن كوگەرشىن ۇستالدى - فوتو
15:33, 25 - مامىر 2017
استانا. قازاقپارات - كۋۆەيتتە ارقاسىنا شاعىن ريۋكزاك بەكىتىلگەن كوگەرشىن ۇستالدى.
كوگەرشىن ارقاسىنداعى جۇكتىڭ اۋىرلىعىنان دۇرىس ۇشا الماعان.
كۇدىكتى قۇس كۋۆەيتتىڭ شەكارا بەكەتىندە قولعا تۇسىرىلگەن. ارقاسىنداعى شاعىن ريۋكزاكتا 178 تابلەتكا ەسىرتكى بولعان. كەدەن قىزمەتىنىڭ مالىمەتىنشە قۇس يراكتان ۇشىپ كەلە جاتقان.
شەكارادان ۇشىپ وتكەننەن كەيىن جۇك كولىگىنىڭ ۇستىنە قونىپ، ودان كەيىن تاعى ۇشقان. ءبىراق وسى ارادا ونىڭ سوڭىنا ءىز كەسۋشىلەر تۇسكەن. قۇس كەدەن ءبولىمىنىڭ قاسىنداعى عيماراتتىڭ شاتىرىنا قونعاندا ۇستالعان.
ريۋكزاك قۇس جۇنىنە تۇستەس جاسالعان. تەرگەۋشىلەر ەندى قۇستىڭ قوجايىنىن تاۋىپ، جازاعا تارتپاق.
دەرەككوز: life.ru