قازاقستان ەلتاڭباسىنىڭ جاڭا ستاندارتى تانىستىرىلدى
جاڭا ستاندارتتى ەلتاڭبا اۆتورى جانداربەك مالىبەكوۆتىڭ ءوزى تانىستىردى. «ەلتاڭبا 1992 -جىلى قابىلداندى، سوندىقتان ونىڭ مەملەكەتتىك دەڭگەيدە بەكىتىلگەن پارامەترلەرى وزگەرمەيدى»، - دەدى ول.
«ستاندارتتارعا كەلەتىن بولساق، ەلتاڭبانى قۇرايتىن 40 بولىككە ناقتى اتاۋ بەرىلىپ، مازمۇنى ايقىندالدى. ونىڭ تولىق ءتىزىمىن مەنىڭ ورىس جانە اعىلشىن تىلدەرىندە جاريالانعان كىتابىمنان كورۋگە بولادى. ەندى ەلتاڭبا جاسايتىن وندىرۋشىلەر قولدان ەمەس، ديزايننىڭ ەلەكتروندى ورىندالۋىن قولدانۋلارى ءتيىس».
ونىڭ ايتۋىنشا، اسىرەسە بۇل ەلتاڭبانىڭ تۇسىنە قاتىستى بولىپ وتىر.
«ەگەر وسىنىڭ بارلىعىن قولمەن ىستەسە، ەلتاڭبا ستاندارتقا ساي كەلمەيدى. ونداعى «قازاقستان» ءسوزى قازىر انىعىراق جازىلعان. قاناتتى پىراقتار مەن جۇلدىز ايقىن كورىنىپ تۇراتىن بولدى. كەيبىر ەلەمەنتتەردىڭ مازمۇنىن ايتا كەتەيىن. مىسالى، شاڭىراق جەكە ءبىر ەلەمەنت رەتىندە قارالماۋى كەرەك. بۇل كيىز ءۇيدىڭ ۇستىنەن قاراعانداعى كورىنىس. شاڭىراقتان شاپشىعان نۇر - قازاقستان حالقى اسسامبلەياسىنىڭ سيمۆولى. ولاردىڭ سانى 72 بولۋى ءتيىس»، - دەپ اتاپ ءوتتى مالىبەكوۆ.
ونىڭ حابارلاعانىنداي، جاڭا ستاندارتتار ەلىمىزدىڭ مەملەكەتتىك رامىزدەرىنىڭ 25 جىلدىعىنا ارنالادى.
ايتا كەتەيىك، 25 جىل بۇرىن 4 - ماۋسىمدا مەملەكەتتىك ەلتاڭبا، گيمن جانە تۋ بەكىتىلگەن بولاتىن.
اۆتور: جاسۇلان جولدىبايەۆ