ديماشتىڭ اتاسى مەن اجەسى سۇحبات بەردى
NUR. KZ پورتالىنىڭ ءتىلشىسى تانىمال جۇلدىزدىڭ اتاسى مەن اجەسىنە بارىپ قايتتى.
70 جاستاعى ميۋا اپا تولقىعاننان ۇيىقتاي الماي، تاڭ اتقاندا ديماشقا قوڭىراۋ شالعان.
«ول وزىندە ءبارى جاقسى ەكەنىن ايتتى. فاناتتارى بارلىق جەردە قۇتتىقتاپ جاتىر. ونىڭ داۋسىن ەستىپ، تىنىشتاندىم. ديماشقا ۋاتساپ ارقىلى قۇتتىقتاۋ جىبەردىم»، - دەيدى ول.
ميۋا اپا ديماشتى بالا كەزىنەن ءوزى تاربيەلەگەندىكتەن، ديماش ونى اناسى اتاپ كەتكەن.
«ول كەزدە ديماشتىڭ اناسى ۋنيۆەرسيتەتتىڭ ءبىرىنشى كۋرسىندا وقىپ ءجۇردى. مەن كەلىنىمە كومەكتەسۋگە بەل بۋدىم. بالاعا قىرىق كۇن تولا سالىسىمەن ونىڭ تاربيەسىن ءوز قولىما الدىم. بەسىككە جاتقىزىپ، تاماقتاندىرىپ، جۋىندىرىپ ءجۇردىم»، - دەيدى ميۋا اپا.
ديماش بالا كەزىنەن ساحانامەن جانە مۋزىكامەن تانىس بولدى. ول اتا-اناسىمەن كونسەرتتەردە بولىپ، ولارمەن بىرگە ساحناعا شىعاتىن. بالالىق شاعىندا ءانشى ديسكىلەرمەن ويناۋدى ۇناتقان ەكەن. ديماش بەس جاسىنان باستاپ بالالارعا ارنالعان مۋزىكالىق ستۋدياعا باراتىن.
«ستۋديادا فورتەپيانو ساباعىن دينا نيازوۆا جۇرگىزدى. ول ديماشتىڭ دارىندى ەكەنىن ايتتى. سودان باستاپ مەن ونى ديناعا اپتاسىنا ءۇش رەت اپارىپ وتىردىم. العاش رەت ساحنادا ءان ايتقاندا ديماش بەس جاستا ەدى»، - دەيدى ءانشىنىڭ اجەسى.
ميۋا اپا ديماشتىڭ مەيىرىم مەن ماحابباتقا تولى ورتادا وسكەنىن، دەگەنمەن ونىڭ ەركەلىگى جوقتىعىن العا تارتتى.
«ول اقكوڭىل بولىپ ەر جەتتى. مۋزىكاعا، جۇزۋگە اۋەس. ولەڭ شىعارىپ، ولاردى قارىنداسى مەن اتا-اناسىنا ارنايتىن. جاقىنىنا سوڭعى جەيدەسىن بەرۋگە ءازىر بالا. قيالدا قالعىپ جۇرەتىندىكتەن، ءجيى بىردەڭەسىن ۇمىتىپ، جوعالتىپ وتىراتىن. مەكتەپتە بىرەسە سومكەسىن، بىرەسە اياق كيىمىن تاستاپ كەتەتىن. بۇل ادەتى ءالى كۇنگە دەيىن بار. جاقىندا تاكسيدە شەتەلدە ساتىپ العان قىمبات كوستيۋمىن ۇمىتىپ كەتتى. الايدا ديماش سوعان بولا كوڭىلىن تۇسىرمەدى»، - دەيدى ديماشتىڭ اجەسى.
ديماشتى اتا-اناسى دا تۋعان كۇنىمەن قۇتتىقتاعان.
«ءبىز ديماشتىڭ ونەرىن سۇيەتىندەردەن جانە كونسەرتىن ۇيىمداستىرۋعا قول ۇشىن سوزىپ جاتقان مادەنيەت مينيسترلىگىنەن ۇلكەن كومەك الىپ جاتىرمىز. ولارعا قولعابىس بولىپ، ماحابباتتارىن توككەندەرى ءۇشىن العىس ايتامىز»، - دەيدى ديماشتىڭ اكەسى قانات قۇدايبەرگەن ۇلى.
ەسكە سالساق، ديماش قۇدايبەرگەن 24- مامىر كۇنى تۋعان كۇنىن تويلاعان بولاتىن.