زايساندا قىتاي ەكسپورتىنا باعىتتالعان ەت كومبيناتى سالىنادى

استانا. قازاقپارات - شىعىس قازاقستان وبلىسىنىڭ زايسان اۋدانىنداعى «نۇر» ەت زاۋىتى الداعى ۋاقىتتا قىتايعا ەت ەكسپورتتاۋدى جوسپارلاپ وتىر، دەپ حابارلايدى altaynews.kz.

جىلىنا ەكى مىڭنان استام باس مال ەتىن وڭدەپ، ونى ساۋداعا شىعاراتىن «نۇر» زاۋىتىنىڭ باسشىلىعى قازىر حالىقارالىق تالاپتارعا سايكەس كەلەتىن ەت كومبيناتىنىڭ قۇرىلىسىن باستاۋدى جوسپارلاپ وتىر.

اۋدانى اكىمى تەمىربەك قاسىمجانوۆتىڭ ايتۋىنشا، زايساندىقتار بۇعان دەيىن قىتايعا 150 توننا بالىق ەتىن ەكسپورتتاعان. «بولاشاقتا شۇجىق جانە كونسەرۆىلەنگەن ەت شىعاراتىن سەح اشۋدى دا جوسپارلاپ وتىرمىز. جىلىنا 330 مىڭ توننا ەت وڭدەۋگە قاۋقارلى زاۋىتتا 20 ادام تۇراقتى جۇمىس ىستەۋدە»، - دەيدى تەمىربەك قاسىمجانوۆ.