مينيستر مۇحامەدي ۇلى ديماش قۇدايبەرگەننىڭ سىياقىسى جايلى ايتتى
«وزدەرىڭىز بىلەتىندەي، 27 -ماۋسىمدا "استانا ارەنادا" ديماش قۇدايبەرگەننىڭ جەكە كونسەرتى وتەدى. ديماش قۇدايبەرگەن بىرگە ءان ايتاتىن جۇلدىزدارمەن بەلگىلى ءبىر كەلىسىمشارتىمىز بار. (...) جاس مۋزىكانتتىڭ دەڭگەيىندە وتە جاقسى گونورار(سىياقى) بولادى، ورتا دەڭگەيدەگى مۋزىكانتقا بۇل گونورار ورتا دەڭگەيلى بولادى»، - دەدى ارىستانبەك مۇحامەدي ۇلى و ك ق بريفينگىندە. الايدا ول ءارتىستىڭ گونورارى ناقتى قانشا بولاتىنىن ايتۋدان باس تارتتى.
«بۇل وتە قولايسىز، بۇل ونىڭ ءوز شارۋاسى، ورىنسىز بولادى. بۇل گونورار ءۇشىن وتەتىن كونتسەرت ەمەس، ورىنداۋشىمىزدىڭ تۇڭعىش ءىرى شاراسى بولماق. جالپى مەن زاڭ تارتىبىندە جەكە كەلىسىمشارتتىڭ ەرەجەلەرىن ساقتاۋدى ۇستاناتىن اداممىن، زاڭدى بۇزۋعا قۇقىم جوق»، - دەپ مالىمدەدى مينيستر. سونىمەن قاتار، ول استانادا وتەتىن كونسەرت بيلەتتەرىنىڭ 50 پايىزى ساتىلىپ كەتكەنىن حابارلادى.