قانات يسلام مەن گونسالەس ايقاسىنا قازاقستاندىق پروموۋتەر بولجام جاسادى

استانا. قازاقپارات - قازاقستاندىق بوكسشى قانات يسلام (23-0-0، 19 ك و) 27 -مامىر كۇنى مەكسيكالىق نوربەرتو گونسالەسپەن (23-8-0، 13 ك و) جۇدىرىقتاسادى، دەپ جازدى Sports.kz.

بۇل ايقاسقا تانىمال قازاقستاندىق پروموۋتەر بولات مانكەنوۆ بولجام جاسادى. «قانات ءوزىنىڭ قارسىلاسىنا قاراعاندا الدەقايدا مىقتىراق. سوندىقتان، وقىس ەشتەڭە بولماسا، ماسەلەن، قولىن جاراقاتتاپ الماسا، ول جەڭۋى ءتيىس»، - دەدى مانكەنوۆ. يسلام - گونسالەس جەكپە-جەگى استانا ۋاقىتىمەن سەنبى كۇنى تاڭەرتەڭ وتەدى، ونى «Kazsport» تەلەارناسى ساعات 06:00-دە تىكەلەي ەفيردەن كورسەتەدى.

1XBET بۋكمەكەرلىك كەڭسەسى قازاقستاندىقتىڭ جەڭىسىنە كوپ ۇپاي بەرۋدە: يسلامنىڭ جەڭىسىنە - 1.17، تەڭ ويىن - 30، گونسالەستىڭ جەڭىسىنە - 5.35.