ديماش ءۇشىن ارنايى تاپسىرىسپەن قۇلاققاپ جاسالدى - فوتو

استانا. قازاقپارات - بۇگىن بەيجىڭ قالاسىندا وتەتىن ديماشتىڭ تىڭدارماندارمەن كەزدەسۋ كەشىنە ءانشىنىڭ فاناتتارى ايرىقشا دايىندالۋدا، دەپ حابارلايدى «قازاقپارات» ح ا ا ءتىلشىسى.

ديماشقا جانكۇيەرلىك ەتەتىن D. M. D. (Dears of Magical Dimash  جانە Diamond for Dimash) جانە Guardians of Dimash جانكۇيەرلىك توپتارى بۇگىنگى كەشتە ديماشقا ەرەكشە قۇلاققاپ سىيلاماقشى.

ولار ارنايى تاپسىرىسپەن qds ماركاسىنىڭ سوڭعى ۇلگىدەگى قۇلاققاپقا ءانشىنىڭ تەگى مەن اتى-ءجونىنىڭ باس ارىپتەرىن جازدىرعان.



قۇنى ءۇش مىڭ دوللاردى (ءبىر ميلليون تەڭگەگە جۋىق) قۇرايتىن بۇل ەرەكشە سىيلىق بۇگىن تىڭدارماندارمەن كەزدەسۋ كەشىندە انشىگە تابىستالادى.

ايتا كەتەيىك، بۇگىن ەرەكشە دارىن يەسى، تانىمال ءانشى ديماش قۇدايبەرگەن 23 جاسقا تولدى. وعان الەمنىڭ تۇكپىر-تۇكپىرىنەن قۇتتىقتاۋلار جولدانۋدا.

اۆتور: ايجان سەرىكجان قىزى