ەردوعاننىڭ وتكەن اپتادا ۆاشينگتونعا جاساعان ساپارى كەزىندە ونىڭ ەكى وققاعارى از ۋاقىتقا ۇستالىپ، ءبىراق كەيىن بوساتىلعان ەدى. انكارا مۇنى ا ق ش بيلىگىنىڭ ەردوعاننىڭ وققاعارلارىنا قارسى «اگرەسسيۆتى جانە كاسىبي ەمەس ارەكەت» دەپ باعالادى. ا ق ش مەملەكەتتىك دەپارتامەنتى تۇركيا پرەزيدەنتى قاۋىپسىزدىك قىزمەتى وكىلدەرىنىڭ ادەبىن «قاتتى الاڭداتادى» دەپ اتادى.
انكارانىڭ امەريكالىق ەلشىنى شاقىرتىپ الۋ شەشىمى ا ق ش- تا ەردوعان كۇزەتشىلەرىنە قاتىستى قاتاڭ شارالار قولدانۋعا شاقىرعان ۇندەۋلەرمەن بايلانىستى بولۋى مۇمكىن. ەردوعاننىڭ كۇزەتشىلەرى 16 - مامىردا تۇركيانىڭ ۆاشينگتونداعى ەلشىسىنىڭ رەزيدەنتسياسى جانىندا نارازىلىق اكسياسىنا قاتىسقانداردى ساباپ، سوققىعا جىققان سۋرەتتەر مەن بەينە جازبالار تاراعان. ءبىر توپ دەمونسترانت، ونىڭ ىشىندە ارمياندار مەن كۇردتەر وزدەرىنە ەردوعاننىڭ جاقتاستارى، ونىڭ ىشىندە پرەزيدەنتتىڭ كۇزەت قىزمەتكەرلەرى سوقتىققانىن مالىمدەگەن. وقيعادان توعىز ادام زارداپ شەككەن.
www.azattyq.org