ا ق ش تۇرعىنىن قىتايعا عارىش تەحنولوگيالارىن بەرمەك بولعانى ءۇشىن تۇتقىندادى

استانا. قازاقپارات - كاليفورنيا تۇرعىنى قىتايعا عارىش تەحنولوگيالارىن زاڭسىز بەرمەك بولعانى ءۇشىن ۇستالدى.

بۇل تۋرالى Reuters اگەنتتىگى ا ق ش- تىڭ ادىلەت مينيسترلىگىنىڭ مالىمدەمەسىنە سىلتەمە جاساي وتىرىپ حابارلادى.

 حابارلامادا 32 جاسار ق ح ر تۋماسى شي چەننىڭ ا ق ش- تىڭ وكرۋگ سوتىنىڭ الدىندا جاۋاپ بەرەتىنى ايتىلعان. وعان مەملەكەتكە قاستاندىق جاساپ، زاڭسىز جولمەن اقشا تاۋىپ، جالعان مالىمەتتەر بەردى جانە جالعان ءتولقۇجاتتى قولدانىپ، كوشى- قون ماسەلەسى بويىنشا ءوتىنىش بەردى دەگەن ايىپ تاعىلىپ وتىر. وسىعان دەيىن ب ا ق وكىلدەرى قىتاي باسشىلىعىنىڭ 2010-2012 -جىلدار ارالىعىندا 18-دەن 20-عا دەيىنگى ا ق ش جانسىزدارىن تۇتقىنداعاندىعىن حابارلاعان بولاتىن.