قىز جىبەكتى سومداعان ايگىلى اكتريسا جاڭا بەينەباياندا تىڭدارمانداردى ءتانتى ەتتى - ۆيدەو

استانا. قازاقپارات - ءانشى كەنتال ماحاببات تاقىرىبىنا ارناعان كەزەكتى بەينەبايانىن جارىققا شىعاردى.

الايدا «كوسموس» ءانشىنىڭ بۇرىنعى تۋىندىلارىنا مۇلدەم ۇقسامايدى. سەبەبى مۇندا كەنتال قاريانىڭ كەيپىنە ەنەدى. ال ونىڭ عاشىعىن قىز جىبەكتى سومداعان ايگىلى اكتريسا مەرۋەرت وتەكەشوۆا وينايدى.

بۇل تۋرالى Stan.kz حابارلايدى.

وقيعا جەلىسى بويىنشا، قاريا كەنتال 40 جىل بۇرىنعى ماحابباتىن كەزدەستىرەدى. ودان كەيىن ەشكىمدى سۇيە الماعانىن، عۇمىر بويى جالعىزدىقتا ءومىر سۇرگەنىن ايتادى. ال مەرۋەرت وتەكەشوۆا الدەقاشان ءۇيلى-باراندى بولعانىن اڭعارتادى. ول جاقىندا نەمەرەسىنىڭ 1-سىنىپقا اياق باساتىنىن ايتىپ قۋانادى.

تىڭ يدەياعا قۇرىلعان كليپ تىڭدارمانداردى ءتانتى ەتتى. كوپشىلىك كەنتالدىڭ ىزدەنىمپاز ءانشى ەكەنىن ايتىپ، تۋىندىنى جوعارى باعالاپ جاتىر.