قازاقستاندىقتار ءتولقۇجاتتى ءبىر كۇننىڭ ىشىندە الا الادى
دەپ حابارلايدى قازاقپارات.
«ءبىز ءتولقۇجات بەرۋ جايىندا ءسوز قوزعادىق. بىزدە ءتولقۇجات باسىپ شىعاراتىن سايكەسىنشە كاسىپورىندار 4 قالادا، اتاپ ايتقاندا استانا، الماتى، اقتوبە، شىمكەنتتە بار. ءبىراق، وكىنىشكە وراي ءتىپتى بۇل قالالاردىڭ وزىندە ءتولقۇجات الۋ ءۇشىن ءۇش كۇن كۇتۋ قاجەت. الايدا اقشاعا ءبىر كۇننىڭ ىشىندە جاساۋعا مۇمكىندىك بار. سوندىقتان ءبىز اتالعان كاسىپورىندار ورنالاسقان 4 قالادا ءتولقۇجاتتاردى ءبىر كۇننىڭ ىشىندە بەرۋ تۋرالى شەشىم قابىلدادىق»، - دەدى ۇكىمەت باسشىسى.
سونىمەن قاتار ول استانا، الماتى، اقتوبە جانە شىمكەنت قالالارىنداعى كاسىپورىنداردان ءتولقۇجات جاساتۋ مەرزىمىنىڭ دە ايتارلىقتاي قىسقارتىلعانىن باسا ايتتى.
«وسى قالالارعا بەكىتىلگەن وزگە قالالاردا بۇعان دەيىن ءتولقۇجات بەرۋ 2 اپتاعا سوزىلاتىن بولسا، ەندىگى ۋاقىتتا قۇجات بەرۋ 1 اپتانىڭ ىشىندە بىتەتىن بولادى»، - دەدى ساعىنتايەۆ.
اۆتور: مارلان جيەمباي