وڭتۇستىك كورەيانىڭ بۇرىنعى پرەزيدەنتىنىڭ سوتى باستالدى
13:49, 23 - مامىر 2017
استانا. قازاقپارات - ءبىراز ۋاقىت بۇرىن يمپيچمەنت بويىنشا قىزمەتتەن بوساتىلعان وڭتۇستىك كورەيانىڭ ەكس-پرەزيدەنتى پاك كىن حە بۇگىن سوت زالىنا اكەلىندى.
بۇل ناۋرىز ايىندا قىزمەتتەن كەتىپ، قاماۋعا الىنعان ساياساتكەردىڭ سودان بەرى العاش رەت جۇرت الدىنا شىعۋى.
وعان سىبايلاس جەمقورلىق جاسادى، مەملەكەتتىك قىزمەتتى جەكە ماقساتىنا پايدالاندى، مەملەكەتتىك قۇپيانى اشتى دەگەن ايىپتار تاعىلىپ وتىر.
پاك كىن حە وزىنە تاعىلعان ايىپتاردى مويىنداۋدان باس تارتتى. مالىمەتتەر بويىنشا، ەكس- پرەزيدەنت سىبايلاسى چوي سۋن سيل ەكەۋى ەلدىڭ بىرنەشە كومپانياسىن، سونىڭ ىشىندە سامسۋنگتى بوپسالاپ، اقشا تالاپ ەتكەن.
چوي حانىم دا بۇرىنعى پرەزيدەنتپەن بىرگە سوتتالۋ ۇستىندە. وڭتۇستىك كورەيادا سىبايلاس جەمقورلىق ءۇشىن كەسىلەتىن ەڭ جوعارعى جازا - ءومىر بويىنا باس بوستاندىعىنان ايىرۋ.
Egemen.kz