ۇلى جەمقورلىقپەن ۇستالعان ۆيتسە-پرەمەر اسىلىپ ءولدى
دەرەككوزدىڭ حابارلاۋىنشا، بۇنىڭ الدىندا ۆيتسە-پرەمەردىڭ ۇلى تۇتقىندالعان دەپ حابارلايدى centralasian.org.
ونەركاسىپ كەشەنىنە جاۋاپتى ساياساتكەر باتىر ەرەشوۆتىڭ قايتىس بولعانىن 3- مامىردا تۇركىمەنستاندىق رەسمي باسپا ءسوز حابارلاعان ەدى.
قايعىلى وقيعادان بىرنەشە كۇن بۇرىن ونىڭ ۇلى اسا ءىرى كولەمدەگى قاراجاتپەن ۇستالعان دەلىنەدى. بيلىككە جاقىن دەرەككوزدىڭ حابارلاۋىنشا، بالاسى ۇستالعان سوڭ ارتىنشا ەرەشوۆتىڭ سوڭىنان تىڭشى تۇسكەن.
«ونىڭ ۇلى كوپ اقشامەن ۇستالدى. ارتىنان اڭدىپ قويدى، ونى دا ۇستايدى دەپ ءبارى ەسكەرتىپ جاتتى. سودان كەيىن ول اسىلىپ ولگەن. دەنەسىن الىپ كەتىپ، ءۇش تاۋلىك بويى بەرمەدى. كەيىن قايتارىپ بەردى، راستالماعان اقپارات بويىنشا، ونى وزبەكستاندا، ءوزىنىڭ تۋعان جەرىندە جەرلەگەن. ۇلى ءالى قاماۋدا وتىر»، - دەدى دەرەككوز.
«حرونيكا تۋركمەنيستانا» سايتىنىڭ حابارلاۋىنشا، ەرەشوۆ وزبەكستاننىڭ بۇحارا وبلىسىنداعى زيراتتا، بابالارىنىڭ قاسىنا جەرلەنگەن.