قازاقستان مەن رەسەي بىرلەسىپ، زىمىران شىعارۋدى جوسپارلاپ وتىر
روگوزيننىڭ حابارلاۋىنشا، عارىش سالاسىن دامىتۋ ماسەلەسىنە ارنالعان ءماجىلىس قورىتىندىسى بويىنشا، ارنايى جوسپار ماقۇلدانىپ، بايقوڭىردى ودان ءارى دە رەسەي مەن قازاقستاننىڭ مۇددەسى ءۇشىن پايدالانۋ جونىندەگى بۇل جوسپار جاقىن كۇندەردە قازاقستاندا تالقىلانباق.
«بايتەرەك» جوباسىنىڭ اياسىندا قازاقستاننىڭ قارجىلاي قاتىسۋىمەن ۇشىرۋ قۇرىلعىسىن قايتا جوندەۋدەن وتكىزۋ جونىندە جوبا دايىنداۋ قاجەت بولىپ وتىر. ءبىز قازىر نارىقتاعى ءوز ۇلەسىمىزدى جوعالتىپ الماۋ ءۇشىن كوممەرتسيالىق قىزمەت نارىعىندا ا ق ش- تىڭ سوڭعى ۇلگىدەگى قۇرالدارىمەن باسەكەگە تۇسە الاتىن ورتا دەڭگەيدەگى زىمىراندى دايىنداۋدى جەدەلدەتىپ قولعا الۋدى جوسپارلاپ وتىرمىز»، - دەپ ءتۇسىندىردى ول.
ر ف ۇكىمەتى ءتوراعاسى ورىنباسارىنىڭ سوزىنشە، ول 17 توننا سالماق كوتەرەتىن بولادى. بۇعان قوسا، «بايقوڭىردا» دايىندالعان «زەنيت» زىمىرانى ءۇشىن ۇشۋ قۇرىلعىسىن پايدالانۋ جوسپارلانىپ وتىر.