تىرىسقاق اۋرۋى يەمەن حالقىنا قاۋىپ ءتوندىردى

 استانا. قازاقپارات - يەمەن ەلىندە تىرىسقاق اۋرۋى كەڭ تاراپ، دۇنيەجۇزىلىك دەنساۋلىق ساقتاۋ ۇيىمى دابىل قاعىپ جاتىر.

 قازىر قاۋىپتى ىندەتتەن قازا تاپقانداردىڭ سانى 250 گە جەتكەن. ال دەرتتى جۇقتىرعانداردىڭ قاراسى كۇن سايىن ارتىپ وتىر. سوندىقتان ۇيىم حالىقارالىق قاۋىمداستىقتان يەمەنگە تەز ارادا كومەك كورسەتۋ كەرەكتىگىن ايتادى. ىندەتتەن اسىرەسە ەل استاناسى سانا قاتتى زارداپ شەگىپ، بيلىك شاھاردا توتەنشە جاعداي جاريالادى. ال قاۋىپتى ۆيرۋستىڭ تارالۋىنا ەلدە ەكى جىلدان استام ۋاقىت جالعاسىپ كەلە جاتقان ازاماتتىق سوعىس سەبەپ. وسىنىڭ سالدارىنان تۇرعىندارعا سۋ مەن ازىق- تۇلىك جەتىسپەي جاتىر.  ب ۇ ۇ مالىمەتىنە قاراعاندا، حالىقتىڭ ۇشتەن ەكى بولىگى اۋىزسۋعا ءزارۋ. بۇعان قوسا اسكەري قيمىلداردان ەلدەگى 300 اۋرۋحانا مەن ەمحانا قيراعان.

ابدەل حاكيم ءال- كاحلاني، يەمەن دەنساۋلىق ساقتاۋ مينيسترلىگىنىڭ وكىلى:

 - دەنساۋلىق ساقتاۋ ميمنيسترلىگى تىرىسقاق ىندەتىنىڭ كەڭ تارالىپ، ەلگە قاۋىپ ءتوندىرىپ وتىرعانىنا بايلانىستى حالىقارالىق قاۋىمداستىقتان كومەك سۇرايدى. سەبەبى قاۋىپتى دەرتتى سىرتتىڭ كومەگىنسىز جەڭۋ مۇمكىن ەمەس.

www.24.kz