قازاقستاندىق بويجەتكەن قىتايدا وتكەن شاحمات تۋرنيرىنەن «كۇمىس» الدى
15:00, 22 - مامىر 2017
بەيجىڭ- چەندۋ. قازاقپارات - شىمكەنت قالاسىنان شىققان 25 جاستاعى قازاقستاندىق شاحماتشى گۇلىسحان ناحبايەۆا ازيا چەمپيوناتىندا شاحماتتان كۇمىس جۇلدە يەلەندى، دەپ حابارلايدى «قازاقپارات» ح ا ا قىتايداعى ءتىلشىسى.
2017 -جىلدىڭ 21 - مامىرى كۇنى ق ح ر سىچۋان پروۆينتسياسى چەندۋ قالاسىندا اياقتالعان 10 كۇندىك چەمپيوناتقا قىتاي، ءۇندىستان، فيليپپين، ۆەتنام، سينگاپۋر، مالايزيا، بانگلادەش، يران، موڭعوليا، قازاقستان، قىرعىزستان، وزبەكستان جانە تۇرىكمەنستاننان كەلگەن 119 شاحماتشى قاتىستى.
دوداعا قاتىسقان 50 ايەلدىڭ اراسىنان ءبىرىنشى ورىندى ۆەتنامنان كەلگەن سپورتشى ۆو تحي كيم فانگ (7,5 ۇپاي) ، ەكىنشى ورىندى قازاقستاندىق گۇلىسحان ناحبايەۆا (7 ۇپاي) ، ءۇشىنشى ورىندى ءۇندىستاندىق شاحماتشى ر. ۆايشالي (6,5 ۇپاي) يەلەندى. سونداي- اق، ۇزدىك شاحماتشىلار جەتىلىگىنە قازاقستاندىق رينات جۇمابايەۆ، وتىزدىعىنا - ازامات وتەعاليەۆ ەندى.