تەڭىز ارىستانى بالانى سۋ استىنا سۇيرەپ اكەتتى
10:14, 23 - مامىر 2017
استانا. قازاقپارات - ينتەرنەت جەلىسىندە تەڭىز ارىستانىنىڭ كىشكەنتاي قىزعا شابۋىلى جاريالاندى. وقيعا كانادانىڭ بريتاندىق كولۋمبيا پروۆينتسياسىندا ورىن الدى.
سۋدان شىققان جىرتقىش ءاپ- ساتتە قىزدى باس سالىپ سۋدىڭ استىنا سۇيرەپ اكەتكەن. وتباسى مۇشەلەرى مەن ءوتىپ بارا جاتقان جۇرت كومەككە كەلىپ، ءبۇلدىرشىندى امان الىپ قالدى. جالما- جان ونىڭ ارتىنان سۋعا سەكىرگەن ەر ادام قىزدى الدىمەن جاعادا تۇرعاندارعا بەرىپ، ارتىنشا ولاردىڭ كومەگىمەن ءوزى دە شىقتى.