عالىم وزبەكستاننىڭ لاتىن ءالىپبيىن ەنگىزۋ تاجىريبەسى جايلى ايتتى

تاشكەنت. قازاقپارات - وزبەكستان ۇلتتىق ۋنيۆەرسيتەتىندەگى وزبەك ءتىل ءبىلىمى كافەدراسىنىڭ دوتسەنتى، فيلولوگيا عىلىمدارىنىڭ كانديداتى راۆشان جومونوۆ وزبەكستانداعى لاتىن ءالىپبيىن ەنگىزۋ تاجىريبەسى جايلى ايتتى،

 دەپ حابارلايدى «قازاقپارات» ح ا ا ءتىلشىسى.

 «تاۋەلسىزدىك العانعا دەيىن ەلىمىزدە ءالىپبي توڭىرەگىندە ءتۇرلى پىكىرلەر تۋىنداپ، فيلولوگ عالىمدار ءۇش توپقا ءبولىندى. ءبىرىنشىسى - كيريلليتسانىڭ جاقتاۋشىلارى. ەكىنشىسى - اراب گرافيكاسىن قايتارعىسى كەلەتىن اراب توبى، ءۇشىنشىسى - لاتىن ءالىپبيىنىڭ قالىپتاسۋىن جاقتايتىندار. تاۋەلسىزدىك العاننان كەيىن ماسەلە لاتىن ءالىپبيىنىڭ پايداسىنا شەشىلدى. دالىرەك ايتساق، 1993 -جىلدىڭ 2 - قىركۇيەگى كۇنى جاڭا وزبەك ءالىپبيىن ەنگىزۋ جونىندەگى زاڭ قابىلداندى» - دەدى راۆشان جومونوۆ.

«1995-96 ج ج. باستاۋىش سىنىپتاردا لاتىن ءالىپبيى نەگىزىندەگى جاڭا وزبەك ءالىپبيىن وقىتۋ جۇرگىزىلە باستادى. ال جوعارى وقۋ ورىندارى مەن باسقا دا مەملەكەتتىك ۇيىمدارعا كەلەر بولساق، ولارعا جەكە لاتىن ءالىپبيى وقىتۋشىلارىن دايىندادىق. جاڭا وزبەك ءالىپبيىن ەنگىزۋ مەملەكەتتىك باعدارلاماسى اياسىندا ءتۇرلى تەلەجوبالار ۇيىمداستىرىلىپ، مەملەكەتتىك ارنالاردىڭ تىكەلەي ەفيرلەرى ارقىلى ساباقتار وتكىزىلدى. بۇدان وزگە، گازەتتەر مەن جۋرنالداردا جاڭا ءالىپبيدى وقىتۋ بويىنشا وقىتۋ قۇرالدارى جاريالاندى»، - دەدى راۆشان جومونوۆ.