قىتاي تەلەارنالارىمەن «قازاقستان» ۇلتتىق ارناسى ىنتىماقتاستىقتى جولعا قويۋدا
كەزدەسۋ بارىسىندا بىرلەسكەن جوبالار ءوندىرىسى جانە كورپوراتسيالار اراسىنداعى تاجىريبە الماسۋ بويىنش ەكىجاقتى ىنتىماقتاستىق ماسەلەلەرى تالقىلاندى. سونداي- اق، CCTV -7، CCTV-8 جانە CCTV -12 تەلەارنالارىنىڭ جەتەكشىلەرىمەن كەزدەسىپ، تاراپتار اراسىندا بىرلەسىپ تەلەحيكايالار، دەرەكتى فيلمدەر جانە جوبالار ءوندىرۋ بويىنشا كەلىسىم ورنادى.
بۇدان بولەك، سول تەلەارنالاردىڭ پروديۋسەرلەرى جانە رەجيسسەرلەرىمەن شىعارماشىلىق بىرلەستىكتەر اراسىنداعى تاجىريبە الماسۋ ماسەلەلەرى قاراستىرىلدى. سونداي- اق «قازاقستان» ر ت ر ك» ا ق دەلەگاتسياسى چانشا قالاسىندا ورنالاسقان «Hunan TV» تەلەراديكورپوراتسياسىنا باردى. بۇل كەزدەسۋدە Hunan TV پرەزيدەنتى ليۋ حۋانبين «قازاقستان» ر ت ر ك» ا ق- مەن ىنتىماقتاستىقتى ورناتۋعا ۇلكەن قىزىعۋشىلىق ءبىلدىردى.
كەلىسسوزدەر جۇرگىزىلىپ، تاراپتار بولاشاق جوسپارلارىمەن ءبولىسىپ، بىرلەسكەن تەلەونىمدەر مەن كوركەم فيلمدەر ءوندىرىسى بويىنشا ۋاعدالاستى. حۋنان تەلەارناسى 1997 -جىلدىڭ قاڭتارىندا ىسكە قوسىلىپ، بۇگىنگى كۇنگە دەيىن قىتايداعى ەڭ كوپ قارالاتىن سپۋتنيكتىك ارنالار قاتارىندا ەكىنشى ورىندا.