ازەربايجاندىق بانك پەن ب ج ز ق اراسىنداعى ماسەلەنى شەشۋگە ديپلوماتتار تارتىلۋى مۇمكىن
دەپ حابارلايدى قازاقپارات.
«ق ر سىرتقى ىستەر مينيسترلىگى ءوزىنىڭ شەتەلدىك مەكەمەلەرى ارقىلى ۇلتتىق مۇددە مەن ءتۇرلى جاعدايلارعا تاپ بولعان قازاقستان ازاماتتارىنىڭ قۇقىقتارىن قورعاۋ بويىنشا جۇمىستى بەلسەندى اتقارىپ كەلەدى. مىنا وقيعادا قيىن جاعدايعا تاپ بولعان ازەربايجاندىق بانككە ينۆەستيتسيالانعان زەينەتاقى جيناقتارى جونىندە ءسوز قوزعالۋدا. ءبىز ءتۇرلى ديپلوماتيالىق ارنالار ارقىلى وتىنىشتەر تۇسكەن كەزدە ازەربايجان رەسپۋبليكاسىنىڭ ءتيىستى قۇرىلىمدارىمەن بەلسەندى جۇمىس جاسايتىن بولامىز»، - دەدى مينيستر ۇكىمەت ۇيىندە وتكەن باسپا ءسوز ءماسليحاتىندا.
ايتا كەتەيىك، بەلگىلى ساراپشى راحىم وشاقبايەۆ ب ج ز ق- نىڭ 71,3 ميلليارد تەڭگە اكتيۆى ازەربايجاننىڭ پروبلەمالىق حالىقارالىق بانكى وبليگاتسيالارىنا سالىنعانى تۋرالى حابارلاعان ەدى. ءوز كەزەگىندە، پارلامەنت ماجىلىسىندەگى «اق جول» فراكسياسىنىڭ دەپۋتاتتارى ازەربايجاننىڭ پروبلەمالىق بانكىنە ينۆەستيتسيالاۋ تۋرالى شەشىم قابىلداعان ب ج ز ق- نىڭ لاۋازىمدى قىزمەتكەرلەرىن جاۋاپقا تارتۋدى ۇسىندى.
«2014 -جىلدىڭ كۇزىندە ب ج ز ق قارجىسىنا ازەربايجاننىڭ حالىقارالىق بانكىنىڭ 70 ميللياردتان استام تەڭگە سوماسىنداعى وبليگاتسيالارىن نەگىزسىز ساتىپ الۋ فاكتىسىن انىقتاعان تاۋەلسىز ساراپشى راحىم وشاقبايەۆ «اق جول» پارتياسىنىڭ وكىلدەرىمەن جۇزدەستى. بۇدان بۇرىن ءبىزدىڭ فراكسيا كازينۆەستبانكتى ليتسەنزياسىنان ايىرۋ بارىسىندا قاۋىپتىلىك دالىزىندە قالعان 3 ميلليارد تەڭگەگە تارتا سوماداعى ب ج ز ق قارجىسىنا قاتىستى ۇندەۋ جاساعان بولاتىن. سول كەزدە ب ج ز ق باسشىلىعىمەن 5 ميلليارد تەڭگەگە KASE- دە كۇماندى ەميتەتپەن باعالى قاعازداردى الۋ فاكتىسى انىقتالعان ەدى»، - دەدى ماجىلىسمەن ازات پەرۋاشيەۆ ق ر ۇلتتىق بانك باسشىسىنا ارنالعان دەپۋتاتتىق ساۋالىندا.
اۆتور: جاسۇلان جولدىبايەۆ