قۇراندا ءتۇننىڭ ءبىز بىلمەيتىن سىرلارى ايتىلعان
ۇيقىنىڭ پايداسى اللانىڭ قاراڭعىلىعى ارقىلى بولادى. امەريكانىڭ اريزونا ۋنيۆەرسيتەتىنىڭ زەرتتەۋشى عالىمدارى عىلىمي زەرتتەۋلەر ناتيجەسىندە ۇيقىنىڭ قاراڭعىلىق ۋاقىتىندا ادام دەنساۋلىعىنا پايدالى بولۋىن جانە ادامنىڭ يممۋنيتەتىنىڭ كۇشەيۋىنە ۇلكەن اسەرى بار ەكەنىن راستادى. سونىمەن بىرگە، عالىمدار قاراڭعىلىقتا ادام ورگانيزمىنەن ءسۇت بەزى وبىرى مەن پروستاتيت اۋرۋلارىنا قارسى تۇرۋدا ءرولى زور - «مەلاتونين» گورمونى بولىنەتىنىن ايتىپ ءوتتى، دەپ جازادى muslim.kz.
بۇل زەرتتەۋلەر ورگانيزمنەن بولىنگەن مەلاتونيننىڭ راك كلەتكالارىنىڭ دامۋىن تەجەيتىنىن انىقتادى. جارىق بولمەدە بۇل گورمون جۇمىس ىستەمەيدى ەكەن. عالىمدار بۇل - اللا جاراتقان تابيعي ەمنىڭ قاراڭعى ءتۇندى پايدالانعاندا عانا جۇمىس ىستەيدى دەيدى.
قاراڭعىلىق - راكتان بەلگىلى ۋاقىتتا عانا قورعان بولادى. قاراڭعى ءتۇن ادام ورگانيزمىنە بەلگىلى ءبىر گورموندار بولگەن سياقتى، كۇندىزگى جارىق تا ادام ورگانيزمىنە پايدالى باسقا گورمونداردى (سەروتونين) بولەدى. بۇل - گورموندار يممۋنيتەتتى كۇشەيتىپ، ورگانيزمدى كوپتەگەن اۋرۋلاردان قورعايدى.
قۇران كارىمنىڭ «عافير» سۇرەسىندە:
«ول - تىنىعىپ دامىلداۋلارىڭ ءۇشىن ءتۇندى، اينالانى ەمىن-ەركىن كورىپ، تىرشىلىك ەتە الۋلارىڭ ءۇشىن كۇندىزدى جارىق قىلىپ جاراتقان اللا...(61)»، - دەپ كەلدى.
جوعارىدا ايتىلعان ءتۇننىڭ قاراڭعىلىق ۋاقىتىنىڭ ەڭ پايدالى ۋاقىتى - كەشكى 22:00 دەن باستاپ تۇنگى 01.00 گە دەيىنگى ارالىقتا بولىپ تابىلادى. سونداي-اق كەيدە ۇيىقتاساق تا، بولمەمىمىزگە جارىق قوسىپ نەمەسە قالتا تەلەفونىنىڭ جارىعىنا قاراپ جاتىپ ۇيىقتاۋ ورگانيزمنەن مەلاتونيننىڭ ءبولىنۋىن تەجەيتىنىنە كوزىمىز جەتتى.
كەرەك دەسەڭىز، مۇسىلمان عالىمدارى اسقا جيىرما ءتورت ساعات جارىق جانىپ تۇراتىن جەردەگى فەرما تاۋىقتارىنان گورى ۇيدە اسىرالاتىن: تۇندە ءوز ۋاقىتىندا ۇيىقتاپ، كۇندىز جەم جەيتىن تاۋىقتى پايدالانۋعا دا كەڭەس بەرەدى. اللانىڭ زاڭىنان ەش كەمشىلىك تابىلماۋى اقيقات. تەك ادام بالاسى سول زاڭدىلىققا سايكەس ءومىر سۇرسە، ەكى دۇنيەدە باقىتتى بولار ەدى.