قۇمىرسقالاردى زەرتتەگەن بيولوگ يسلام ءدىنىن قابىلدادى

استانا. قازاقپارات - بۇل وقيعا قۇراننىڭ عىلىممەن قايشىلىعىن انىقتاعىسى كەلگەن مۇسىلمان ەمەس ءبىر توپ عالىمدار جايىندا.

ولار ءوز ىزدەنىستەرىن يسلامدى قارالاۋ ماقساتىندا جۇرگىزگەنى انىق.

ءبىرىنشى ماسەلەدە ولار زەرتتەۋلەرىنىڭ نەگىزى بولاتىن اياتتى قاراستىرا باستادى. ءسويتىپ نىساناسى رەتىندە «ءنامىل» سۇرەسىنىڭ 18- اياتىن الدى. دالىرەك ايتار بولساق، سول اياتتاعى «لَا يَحْطِمَنَّكُمْ» (ءلا ياحتىمانناكۋم) ءسوزىن. بۇل ءسوزدىڭ ءتۇپ نەگىزگى ياعني، ماعىناسى: «سەندەردى سىندىرماسىن» دەپ كەلەدى.

الايدا، قۇراننىڭ اۋدارمالارىندا، اسىرەسە ورىسشا اۋدارمالاردا، بۇل ءسوز «سەندەردى تاپتاپ كەتپەسىن» دەپ اۋدارىلعان، دەپ جازادى islam.kz.

«سۇلەيمەن پايعامبار (ع. س.) مەن ونىڭ اسكەرى قۇمىرسقانىڭ ويپاتىنا كەلگەن ساتتە، ءبىر قۇمىرسقا: «ءاي، قۇمىرسقالار! ۇيالارىڭا كىرىڭدەر. سۇلەيمەن، ونىڭ اسكەرلەرى سەندەردى بىلمەي تاپتاپ كەتپەسىن»، - دەدى». («ءنامىل»، 18-ايات)

يسلامدى ايىپتاۋعا قۇشتار بولعان عالىمداردىڭ باستارى كوككە جەتتى. مىنە، مىنە ولاردىڭ ىزدەگەندەرى! نەگە؟

اراب تىلىندەگى «حَطَمَ» (حاتاما) ەتىستىگىنىڭ نەگىزگى ماعىناسى: «سىندىرۋ، تالقانداۋ، ۇنتاقتاۋ». ال «قۇمىرسقالار قالايشا سىنۋى نەمەسە تالقاندالۋى مۇمكىن؟! دەمەك، قۇراندا قاتە بار» دەپ ويلايدى عالىمدار.

قۇراننىڭ كەمشىلىكتەرىن ىزدەگەن عالىمدار سول ساتتە-اق ءوز «جاڭالىقتارىن» الەمگە جايادى.

الايدا وسى وقيعادان سوڭ كوپ وتپەي قۇمىرسقالاردى زەرتتەۋمەن اينالىساتىن اۆسترايالىق ءبىر بيولوگ قۇراندا ايتىلعاننىڭ اقيقات ەكەنىنە كوز جەتكىزدى. زەرتتەۋىنىڭ ناتيجەسىندە ول قۇمىرسقانىڭ دەنەسىندەگى شيشا مولشەرى وزگە نارسەلەردىڭ قۇرامىنان باسىم بولاتىنىن انىقتاپ، قۇمىرسقانىڭ سىناتىنىن دالەلدەدى. ناتيجەسىندە يسلام ءدىنىن قابىلدادى.