قازاقستان قىتايعا جەتكىزەتىن اۋىل شارۋاشىلىعى ءونىمىن سەرتيفيكاتتايدى
بۇل تۋرالى قىتايدا «قازاقپارات» ح ا ا مەنشىكتى تىلشىسىنە بەرگەن سۇحباتىندا ق ر اۋىل شارۋاشىلىعى ۆيتسە-ءمينيسترى گۇلميرا يسايەۆا. «قازىر ق ح ر- مەن اۋىل شارۋاشىلىعى ونىمدەرىمىزدى تەزدەتىپ تەستىلەۋ جانە ونىڭ ساپا سايكەستىگىن راستاۋ ءۇشىن قاجەتتى جاعدايلار جاساۋ بويىنشا جۇمىستار جۇرگىزىپ جاتىرمىز»، - دەدى ول.
ونىڭ ايتۋىنشا، بۇگىندە ش ق و نەمەسە الماتى وبلىسىندا ساپانى قاداعالاۋ، ينسپەكسيا جانە كارانتين باس باسقارماسىنىڭ تالاپتارىنا سايكەس تەحنيكالىق جاراقتالعان جانە ولارمەن اككرەديتەلگەن زەرتحانالار قۇرۋ بويىنشا جوبالاردى ىسكە اسىرۋ باستالدى.
«بۇل نەنى بىلدىرەدى؟ بۇل ەرتەڭ قازاقستاندىق فەرمەرلەر، سونداي- اق ورتا ازيالىق وڭىردەن فەرمەرلەر قىتايعا ءونىمدى جەتكىزگەن كەزدە قازاقستان اۋماعىنداعى وسى زەرتحانالاردا ءونىمدى سەرتيفيكاتتاي الادى. تەست ناتيجەلەرى قىتايدا قايتا تەكسەرىلمەيدى - ولارعا سەنىم بىلدىرىلەدى»، - دەدى ول.
ەسكە سالا كەتسەك، 14 -مامىر كۇنى قازاقستاننان قىتايعا ەكسپورتتالاتىن بالعا قويىلاتىن سانيتارلىق تالاپتار، ينسپەكتسيا جانە كارانتين جونىندەگى حاتتاماعا ق ر اۋىل شارۋاشىلىعى ۆيتسە- ءمينيسترى مەن ق ح ر- دىڭ ساپانى قاداعالاۋ، ينسپەكسيا جانە كارانتين جونىندەگى باس باسقارماسىنىڭ (س ق ي ك ب ب) ءتوراعاسى قول قويدى. كەلىسىم قازاقستان پرەزيدەنتى نۇرسۇلتان نازاربايەۆتىڭ قىتاي حالىق رەسپۋبليكاسىنا ساپارى بارىسىندا جاسالدى.