يۋاننىڭ قۇنسىزدانۋى قازاقستانعا قالاي اسەر ەتەدى
قىتاي ەلى ەلدەن كاپيتالدىڭ الىپ كەتۋىن وسىلايشا شەكتەمەك.
ءبىر تاۋلىك ىشىندە ق ح ر- نىڭ ۇلتتىق ۆاليۋتاسىنىڭ قۇنى ءبىر دوللارعا شاققاندا 7 يۋان بولدى. سوڭعى ەكى اي ىشىندە يۋان ەڭ تومەن كورسەتكىشتە وسىلاي قۇنسىزداندى. ال، قىتايدان سوڭعى جىل ىشىندە 725 ميلليارد دوللار اكەتىلگەن. قازاقستاندىق ەكونوميستەر يۋاننىڭ قۇنسىزدانۋى ەلىمىزدىڭ ەكونوميكاسىنا قالاي اسەر ەتەتىنىن بولجادى.
«يۋاننىڭ قۇنسىزدانۋى قازاقستاندا ايتارلىقتاي وزگەرىس اكەلمەيدى. قازىر تەڭگەگە رۋبل مەن مۇناي باعاسى اسەر ەتىپ تۇر. ويتكەنى، قازاقستانداعى ماڭىزدى تاۋار بۇل - مۇناي. ال، يمپورتتاۋشى ەل - رەسەي. قىتاي يمپورتى دا ءبىز ءۇشىن ماڭىزدى، الايدا ول رەسەيمەن سالىستىرعاندا ەش اسەر ەتپەيدى»، - دەيدى ق ر تۇڭعىش پرەزيدەنتى قورى جانىنداعى الەمدىك ەكونوميكا مەن ساياسات ينستيتۋتىنىڭ ەكونوميكالىق زەرتتەۋ ءبولىمىنىڭ ساراپشىسى ايدوس تايبەك ۇلى.