قازاقستان، رەسەي جانە تۇركيا پرەزيدەنتتەرى استانا پروتسەسىنىڭ قورىتىندىلارىن تالقىلادى

استانا. قازاقپارات - ەلباسى «ءبىر بەلدەۋ، ءبىر جول» اتتى حالىقارالىق ىنتىماقتاستىق فورۋمىنىڭ سالتاناتتى اشىلۋ ءراسىمى اياسىندا ءبىرقاتار مەملەكەتتەردىڭ كوشباسشىلارىمەن كەزدەسۋ وتكىزدى.

بۇل تۋرالى اقوردانىڭ باسپا ءسوز قىزمەتى حابارلادى. قازاقستان پرەزيدەنتى قىتاي حالىق رەسپۋبليكاسىنىڭ ءتوراعاسى شي جينپيڭدى فورۋمنىڭ تابىستى اشىلۋىمەن قۇتتىقتاپ، ساتتىلىك تىلەدى.

نۇرسۇلتان نازاربايەۆ رەسەي پرەزيدەنتى ۆ. پۋتينمەن جانە تۇرىك رەسپۋبليكاسىنىڭ پرەزيدەنتى ر. ەردوعانمەن اڭگىمەلەسىپ، تاياۋدا استانادا وتكەن سيريا جونىندەگى كەلىسسوزدەردىڭ قورىتىندىلارىن تالقىلادى.

ر. ەردوعان استانا پروتسەسىنىڭ ناتيجەلەرىنە توقتالا كەلە، سيريا ماسەلەلەرى جونىندەگى ديالوگتى جەنيەۆادا جالعاستىرۋ ءۇشىن ونىڭ ماڭىزدى بولعانىن اتاپ ءوتتى.

سونىمەن قاتار، مەملەكەت باسشىسى بەلارۋس پرەزيدەنتى ا. لۋكاشەنكومەن جانە وزبەكستان پرەزيدەنتى ش. ميرزيەيەۆپەن، پاكىستاننىڭ جانە مالايزيانىڭ پرەمەر-مينيسترلەرى ن. شاريفپەن جانە ن. رازاكپەن، دۇنيەجۇزىلىك ەكونوميكالىق فورۋمنىڭ ءتوراعاسى ك. شۆابپەن جۇزدەستى.

بۇدان بولەك نۇرسۇلتان نازاربايەۆ بۇۇ باس حاتشىسى ا. گۋتەريشپەن اڭگىمەلەستى. اڭگىمە بارىسىندا ول شاڭحاي ىنتىماقتاستىق ۇيىمىنىڭ استانادا وتەتىن سامميتىنە قاتىسۋ نيەتى بار ەكەنىن راستادى.