تۇركى كەڭەسى ەلدەرى جاستار ساياساتى سالاسىنداعى ىنتىماقتاستىقتى تالقىلادى
باكۋ قالاسىندا وتكەن جيىنعا قازاقستان، تۇركيا، ازەربايجان جانە قىرعىزستاننىڭ جاستار ءىسى جانە سپورت مەملەكەتتىك ورگاندارىنىڭ باسشىلارى قاتىستى. وتىرىس بارىسىندا قاتىسۋشىلار جاستار جانە سپورت سالاسىنداعى ىنتىماقتاستىق بويىنشا جۇمىس توبىنىڭ قىزمەتىن، تۇركى كەڭەسىنىڭ جاستار پلاتفورماسىنىڭ رەگلامەنتىن رەتتەيتىن قۇجاتتاردى ماقۇلدادى، سونداي-اق تۇركى كەڭەسى ەلدەرىندە وتەتىن III كوشپەندىلەردىڭ دۇنيەجۇزىلىك ويىندارى، I تۇركى ۋنيۆەرسياداسى، تۇركى كەڭەسى ەلدەرىنىڭ II جاستار فەستيۆالى سياقتى ءبىرقاتار اۋقىمدى ءىس-شاراعا دايىندىق بارىسىن تالقىلادى. ب. ارىن قاتىسۋشىلاردى قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا كوتەرگەن نەگىزگى باستامالارىمەن تانىستىردى.
سونىمەن قاتار ۆيتسە-مينيستر ۇلتتىق قۇندىلىقتارىمىز بەن تاريحىمىزدى، سالت-ءداستۇرىمىزدى، مادەني ەسكەرتكىشتەرىمىزدى جاڭعىرتۋدا تۇركى كەڭەسى ەلدەرىمەن ءوزارا ىنتىماقتاستىقتىڭ ماڭىزدىلىعىن اتاپ ءوتتى. سونداي- اق، ب. ارىن تۇركىتىلدەس ەلدەرىن 2017-جىلعى 10-16-شىلدە ارالىعىندا اقمولا وبلىسىنداعى زەرەندى اۋىلىندا وتەتىن تۇركى كەڭەسىنە مۇشە ەلدەر جاستارىنىڭ حالىقارالىق جازعى لاگەرىنە بەلسەندى قاتىسۋعا شاقىردى.
باكۋ قالاسىنا ساپارى بارىسىندا ۆيتسە-مينيستر ازەربايجان رەسپۋبليكاسىنىڭ ءدىني ۇيىمدارىمەن جۇمىس جونىندەگى مەملەكەتتىك كوميتەتتىڭ ءتوراعاسى مۋباريز گۋربانلى مىرزامەن ەكى جاقتى كەزدەسۋ وتكىزدى، وندا ءدىني ۇيىمداردىڭ قىزمەتىن رەتتەۋ ماسەلەلەرى جانە ەكى ەلدىڭ اتالعان سالاداعى تاجىريبەلەرى تالقىلاندى.
ودان باسقا، باكۋ مەملەكەتتىك ۋنيۆەرسيتەتىنىڭ رەكتورى ابەل ماگەرراموۆتىڭ قابىلداۋىمەن ۋنيۆەرسيتەت جانىنداعى اباي ورتالىعىندا بولدى. اتالعان ورتالىقپەن جاستاردى ۇلتتىق مادەنيەت پەن سالت-داستۇرگە داعدىلاندىرۋعا باعىتتالعان جوبالاردى ىسكە اسىرۋ تۋرالى ىنتىماقتاستىققا قول جەتكىزىلدى.