تۇركى الەمى ەلدەرى ب ا ق وكىلدەرىنىڭ فورۋمىندا تۇڭعىش يسمايل گاسپىرالى اتىنداعى سىيلىق تابىس ەتىلدى
12:41, 13 - مامىر 2017
تۇركىستان. قازاقپارات - تۇركى الەمى ەلدەرى ب ا ق وكىلدەرىنىڭ باسىن قوسقان «تۇركى الەمى جانە اقپاراتتىق كەڭىستىك» اتتى حالىقارالىق جۋرناليستەر فورۋمىندا تۇڭعىش رەت يسمايل گاسپىرالى اتىنداعى سىيلىق تابىس ەتىلدى، دەپ حابارلايدى «قازاقپارات» ح ا ا.
ايدا ەيۆازوۆا (ازەربايجان)، كيۋرشاد زورلۋ (تۇركيا) جانە احمەت يەشيلتەپە (تۇركيا) اتالعان سىيلىقتىڭ تۇڭعىش لاۋرەاتتارى اتاندى.
بۇل سىيلىق تۇركى الەمى ماسەلەلەرىن مەديا قۇرىلىمداردا جاقسى ناسيحاتتاعان تۇلعالارعا بەرىلەتىن بولادى.
يسمايل گاسپىرالى (1851 - 1914) - قىرىم- تاتار زيالىسى، اعارتۋشى، باسپاگەر جانە ساياساتكەر، تۇڭعىش «ءتارجىمان» گازەتىن شىعارۋشى. بىرنەشە كوركەم شىعارمالاردىڭ اۆتورى. ونىڭ قالامىنان «دار ۋل راحات مۋسۋلمانلارى»، «افريكانسكيە پيسما - سترانا امازونوك» پوۆەستەرى، «ارسلان كىز» اڭگىمەسى سىندى ەسسەلەر جانە باسقا دا شىعارمالار تۋعان.
ي. گاسپىرالى قىرىم- تۇرىك عانا ەمەس، باسقا دا تۇركى حالىقتارىنىڭ كوپتەگەن ادەبي جانە پۋبليتسيستيكالىق جانرلارىنىڭ نەگىزىن قالاۋشىلاردىڭ ءبىرى.