تۇركى ەلدەرىنىڭ ورتاق مادەنيەتىن تانىتاتىن سەريالدار تۇسىرۋگە ۇسىنىس جاسايمىز - دارحان قىدىرالى
بۇل وسىنداي حالىقارالىق فورۋمداردى ۇيىمداستىرۋعا ىقپال ەتەدى. تۇركىستانداعى تۇركى الەمى ەلدەرى ب ا ق وكىلدەرىنىڭ باسىن قوسقان حالىقارالىق جۋرناليستەر فورۋمىن قورتىندىلاعان دارحان قىدىرالى وسىلاي ايتتى، دەپ حابارلايدى قازاقپارات ح ا ا ءتىلشىسى.
ول فورۋم اياسىندا قابىلدانعان جەتى ماسەلەنى اتاپ ءوتتى.
«ءبىرىنشىسى، تۇركى ەلدەرى اراسىندا قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ ورتاق تەلەارنا قۇرۋ جانە اقپارات كەڭىستىگىن قالىپتاستىرۋ بويىنشا تاپسىرماسى بويىنشا جۇيەلى جۇمىستار جۇرگىزۋ ونىڭ جالعاسىن تابۋىنا قولداۋ كورسەتۋ جيىننىڭ ماقساتى سول.
ەكىنشىسى، تۇركى الەمى ب ا ق اراسىنداعى ەكىجاقتى ىنتىماقتاستىقتى ارتتىرۋ وسى ماقساتتا باۋىرلاس ەلدەر اراسىندا وكىلدىكتەر اشۋ مەموراندۋمدارعا كەلىسىم شارتتارعا قول قويۋ ارىپتەستىكتى بەكىتۋ بويىنشا ءتيىستى شارالار اتقارۋ بولماق.
ءۇشىنشىسى، فورۋمدى جۇيەلى تۇردە جالعاستىرۋ، ونىڭ اياسىن كەڭەيتۋ وزگە دە باۋىرلاس ەلدەردەن جۋرناليستەر شاقىرۋ، تۇركى كەڭەسىنىڭ شەشىمىنە قولداۋ ءبىلدىرۋ جانە نەگىزگى جۇمىسىن اتقارۋ.
ءتورتىنشىسى، تۇركى ەلدەرىنە ورتاق قۇندىلىقتار مەن رۋحاني مۇرالاردى، كيەلى جەرلەردى، ورتاق تۇلعالاردى ايقىنداپ، ەلدىگىمىزدى بىرگە ناسيحاتتاۋ، ءبىر- بىرىمىزبەن اقپارات الماسۋلار ارقىلى ءبىر- بىرىمىزبەن ءبولىسىپ تۇرساق دەگەن ۇسىنىس بار. ول الەۋمەتتىك جەلىلەر، اقپارات اگەنتتىكتەرى، باسىلىمدار ارقىلى بولۋى مۇمكىن.
بەسىنشىسى، ورتاق مادەنيەتىمىزدى سەريالداردى قوجا احمەت ياساۋي، قورقىت اتا سياقتى سەريالدار ءتۇسىرۋدى ۇيىمداستىرۋعا ۇسىنىس جاساۋ. مۇنداي ۇسىنىستار بۇعان دەيىن دە بولعان. سول جوبالاردى جۇزەگە اسىرۋىمىز قاجەت.
التىنشىسى، تۇركى الەمى جۋرناليستەرىنىڭ دوستىق كلۋبىن تۇركى اكادەمياسى جانىندا قۇرۋعا ىقىلاستىمىز. بۇل وسىنداي فورۋمداردى ۇيىمداستىرۋعا جاۋاپكەرشىلىك جۇكتەيدى. ءبىز بۇل مىندەتتى ءوز موينىمىزعا الامىز.
جەتىنشىسى، جاقسى ۇسىنىستار مەن باياندامالاردى، ماتەريالداردى باسىپ شىعارۋ، ونى ءتيىستى مەكەمەلەرگە، مەملەكەت باسشىلارىنا جەتكىزۋ. وسىنداي جوبالار بار. بۇگىنگى جيىن الداعى ۇلكەن كەڭەستەردىڭ باسى بولادى دەپ ۇمىتتەنەمىز» ، - دەدى حالىقارالىق تۇركى اكادەمياسىنىڭ پرەزيدەنتى دارحان قىدىرالى.
اۆتور: اينۇر اقبايەۆا